ആസിഫ് അലി ചിത്രം “എല്ലാം ശരിയാകും” തിയേറ്ററില്‍ റിലീസ് ചെയ്യും. മരക്കാര്‍, ആറാട്ട്, കുഞ്ഞെല്‍ദോ എന്നീ ചിത്രങ്ങളുടെ പുതുക്കിയ റിലീസ് തിയതി വന്നതിന് പിന്നാലെയാണ് എല്ലാം ശരിയാകും ചിത്രത്തിന്റെ പുതുക്കിയ റിലീസ് തിയതിയും എത്തിയിരിക്കുന്നത്.
സെപ്റ്റംബര്‍ 17ന് ചിത്രം തിയേറ്ററുകളിലെത്തും. നേരത്തെ ജൂണ്‍ 4ന് ചിത്രം തിയേറ്ററുകളില്‍ റിലീസ് ചെയ്യും എന്നായിരുന്നു പ്രഖ്യാപിച്ചിരുന്നത്. കോവിഡ് രണ്ടാം ഘട്ടത്തിന് ശമനമാകുന്നതോടെയാണ് പുതുക്കിയ തിയതി പ്രഖ്യാപിച്ചിരിക്കുന്നത്.
ജിബു ജേക്കബ് സംവിധാനം ചെയ്യുന്ന ചിത്രത്തില്‍ രജിഷ വിജയന്‍ ആണ് നായികയായി എത്തുന്നത്. ഇടത് പക്ഷക്കാരനായ ഒരു ചെറുപ്പക്കാരന്റെ കഥായാണ് “എല്ലാം ശരിയാകും” പറയുന്നത്. ഷാരിസ്, നെബിന്‍, ഷാല്‍ബിന്‍ എന്നിവര്‍ ചേര്‍ന്നാണ് ചിത്രത്തിന്റെ രചന നിര്‍വ്വഹിച്ചിരിക്കുന്നത്.
ഈരാറ്റുപേട്ട ആയിരുന്നു ചിത്രത്തിന്റെ പ്രധാന ലൊക്കേഷന്‍. സിദ്ദിഖ്, കലാഭവന്‍ ഷാജോണ്‍, സുധീര്‍ കരമന, ജോണി ആന്റണി, ജെയിംസ് എലിയ, ജോര്‍ഡി പൂഞ്ഞാര്‍, സേതുലക്ഷ്മി, മഹാനദി ഫെയിം തുളസി തുടങ്ങിയവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
