സണ്ണി വെയ്ന് നാകനാകുന്ന അനുഗ്രഹീതന് ആന്റണിയുടെ കോണ്സെപ്റ്റ് പോസ്റ്റര് പുറത്തിറങ്ങി. നടന് കുഞ്ചാക്കോ ബോബനാണ് പോസ്റ്റര് റിലീസ് ചെയ്തത്. സണ്ണി വെയിനും സുരാജ് വെഞ്ഞാറമൂടും ബൈജു സന്തോഷും ഒന്നിച്ചുള്ള കൗതുകമുണര്ത്തുന്ന കോണ്സെപ്റ്റ് പോസ്റ്ററാണ് പുറത്തുവന്നിരിക്കുന്നത്. ലക്ഷ്യ എന്റര്ടെയ്ന്മെന്റിന്റെ ബാനറില് എം ഷിജിത്ത് നിര്മ്മിക്കുന്ന ചിത്രം നവാഗതനായ പ്രിന്സ് ജോയ് ആണ് സംവിധാനം ചെയ്യുന്നത്.
96 എന്ന സിനിമയിലൂടെ സുപരിചിതയായ ഗൗരി കിഷന് ഈ ചിത്രത്തിലൂടെ നായികയായി മലയാളത്തിലേക്ക് എത്തുകയാണ്. സംഗീതത്തിനും പ്രണയത്തിനും കുടുംബ ബന്ധങ്ങള്ക്കുമെല്ലാം ഒരുപാട് പ്രാധാന്യമുള്ള കഥയുമായാണ് അനുഗ്രഹീതന് ആന്റണി പ്രേക്ഷകരിലേക്കെത്തുന്നത്. ഹരിശങ്കര് കെ എസ് ആലപിച്ച, സമൂഹ മാധ്യമങ്ങളില് തരംഗമായ കാമിനി എന്ന ഗാനം പുറത്തിറങ്ങിയ ശേഷം എട്ടു മില്യനടുത് ആളുകളാണ് കണ്ടത്. ടോപ് സിങ്ങര് ഫെയിം അനന്യ ദിനേശിന്റെ ശബ്ദത്തില് വന്ന ബൗ ബൗ എന്ന ഗാനവും പ്രേക്ഷകര് സ്വീകരിച്ചിരുന്നു. അരുണ് മുരളീധരന് സംഗീത സംവിധാനം ചെയ്തിരിക്കുന്ന ചിത്രത്തില് ഗാന രചന നിര്വഹിച്ചിരിക്കുന്നത് മനു മഞ്ജിത്താണ്.
ജിഷ്ണു സ് രമേശിന്റേയും അശ്വിന് പ്രകാശിന്റെയും കഥക്ക് തിരക്കഥയും സംഭാഷണവും ഒരുക്കിയിക്കുന്നത് നവീന് ടി മണിലാല് ആണ്. സണ്ണി വെയിനിനും ഗൗരിക്കുമൊപ്പം, സിദ്ധിഖ്, ഇന്ദ്രന്സ്, സൂരജ് വെഞ്ഞാറമൂട്, ബൈജു സന്തോഷ്, ഷൈന് ടോം ചാക്കോ, മാല പാര്വതി, മുത്തുമണി, മണികണ്ഠന് ആചാരി, ജാഫര് ഇടുക്കി എന്നിങ്ങനെ ഒരു വലിയ താര നിര തന്നെ അനുഗ്രഹീതന് ആന്റണിയുടെ ഭാഗമായുണ്ട്. സെല്വകുമാറാണ് ചിത്രത്തിന്റെ കാമറ കൈകാര്യം ചെയ്തിരിക്കുന്നത്. ചിത്രം ഇപ്പോള് പോസ്റ്റ് പ്രൊഡക്ഷനില് ആണ്.