നിവിൻ പോളിയുടെ തിരിച്ചു വരവിനായി കാത്തിരിക്കുകയാണ് ആരാധകർ. താരത്തിന്റെ ഓരോ അപ്ഡേറ്റുകൾക്കുമായി ഏറെ ആകാംക്ഷയോടെയാണ് ഏവരും കാത്തിരിക്കാറുള്ളത്. ഇപ്പോഴിതാ തന്റെ ആരാധകരുമായി ഒരു സർപ്രൈസ് പങ്കുവച്ചിരിക്കുകയാണ് നടൻ.
‘മൾട്ടിവേഴ്സ് മന്മഥൻ’ എന്ന് പേരിട്ടിരിക്കുന്ന തന്റെ പുതിയ ചിത്രം പ്രഖ്യാപിച്ചിരിക്കുകയാണ് നിവിൻ. ഒരു സൂപ്പർ ഹീറോ ചിത്രമായിട്ടാണ് തന്റെ പുതിയ ചിത്രം പ്രഖ്യാപിച്ചിരിക്കുകയാണ് നിവിൻ. പുറത്തിറങ്ങുന്നത്.
ഇത് എന്റെ ഹൃദയത്തോട് ചേർന്നു നിൽക്കുന്നു! ആദിത്യൻ ചന്ദ്രശേഖർ സംവിധാനം ചെയ്ത് അനന്ദുവും നിതിരാജും ചേർന്ന് രചന നിർവഹികുന്ന ഇന്ത്യയിലെ ആദ്യത്തെ മൾട്ടിവേഴ്സ് സൂപ്പർഹീറോ ചിത്രമായ ‘മൾട്ടിവേഴ്സ് മന്മഥൻ’ പ്രഖ്യാപിക്കുന്നതിൽ ഏറെ സന്തോഷമുണ്ട്’ ദാദയും രേസുവും, നിങ്ങൾ രണ്ടുപേരും സങ്കൽപ്പിച്ചതുപോലെ നിങ്ങളുടെ ആഗ്രഹം പറന്നുയരുകയാണ് എന്നാണ് നിവിൻ ഫസ്റ്റ് ലുക്ക് പുറത്തുവിട്ട് കുറിച്ചിരിക്കുന്നത്.
സൂപ്പർ ഹീറോ കോമഡി ആക്ഷൻ ഫാന്റസി എന്റർടെയ്നർ ആയാണ് ചിത്രം ഒരുങ്ങുന്നത്. പോളി ജൂനിയർ പിക്ചേഴ്സിന്റെ ബാനറിൽ ചിത്രം നിർമിക്കുന്നതും നിവിൻ പോളി തന്നെയാണ്.