മഞ്ചാടിക്കുരു, ബാംഗ്ലൂർ ഡേയ്സ്, കൂടെ, വണ്ടർ വുമൺ എന്നീ സിനിമകൾക്ക് ശേഷം പുതിയ ചിത്രവുമായി അഞ്ജലി മേനോൻ. ഇത്തവണ തമിഴിലാണ് അഞ്ജലി മേനോൻ സിനിമായൊരുക്കുന്നത്.
കെ.ആർ.ജി ഫിലിംസിന്റെ ബാനറിലാണ് ചിത്രമൊരുങ്ങുന്നത്. എല്ലാവരുടെയും അനുഗ്രഹവും പ്രാര്ഥനയും ഉണ്ടാകണം, നമുക്കൊരു മനോഹരമായ സിനിമയൊരുക്കാം, എന്നാണ് എക്സിൽ പങ്കുവെച്ച കുറിപ്പിൽ അഞ്ജലി മേനോൻ പറഞ്ഞത്.
എന്നാൽ ചിത്രത്തിലെ കാസ്റ്റിംഗ് സംബന്ധിച്ച മറ്റ് വിവരങ്ങൾ ഒന്നും തന്നെ ലഭ്യമല്ല. വരും ദിവസങ്ങളിൽ താരങ്ങളെ കുറിച്ചുള്ള അപ്ഡേറ്റ് ഉണ്ടാവുമെന്ന് പ്രതീക്ഷിക്കുന്നു.
അഞ്ജലി മേനോന്റെ അവസാനമിറങ്ങിയ വണ്ടർ വുമൺ ഒടിടി റിലീസ് ആയിരുന്നു. ചിത്രത്തിന് വലിയ രീതിയിൽ പ്രശംസകൾ കിട്ടിയിരുന്നില്ല. പാര്വതി, പത്മപ്രിയ, സയനോര, അര്ച്ചന പദ്മിനി, അമൃത സുഭാഷ്, രാധ ഗോമതി, നിലമ്പൂര് ആയിഷ, ഡോ. ഹാനിസ് സലീം, ശ്രീകാന്ത് കെ വിജയൻ, പ്രവീണ് പ്രേംനാഥ്, അജയൻ അടാട്ട്, സന്ദേശ് കുല്ക്കര്ണി, രമ്യ സര്വദാ ദാസ്, പി വി ആകാശ് മഹേഷ്, വൈശാഖ് നായര് എന്നിവറായിരുന്നു ചിത്രത്തിലെ പ്രധാന താരങ്ങൾ.