അമലാപോള് ചിത്രം ആടൈയുടെ ടീസര് നഗ്നതയുടെ പേരില് വലിയ ചര്ച്ചയായിരുന്നു. ഇപ്പോഴിതാ സിനിമയുടെ ട്രെയിലര് എത്തിയിരിക്കുകയാണ്. ഞെട്ടിപ്പിക്കുന്ന മേക്കോവറിലാണ് നടി ട്രെയിലറില് പ്രത്യക്ഷപ്പെടുന്നത്.
ക്രൈം ത്രില്ലര് ജോണറിലുള്ള ചിത്രമാണ് ആടൈ.അമല പോളിന്റെ കരിയറിലെ ഏറ്റവും വെല്ലുവിളി നിറഞ്ഞതാണ് ഈ സിനിമയിലെ കഥാപാത്രമെന്ന തരത്തില് റിപ്പോര്ട്ടുകള് വന്നിരുന്നു. രത്നകുമാറാണ് ചിത്രം സംവിധാനം ചെയ്യുന്നത്. കാമിനി എന്ന കഥാപാത്രമായാണ് അമല എത്തുന്നത്. ടോയിലറ്റ് പേപ്പര് ശരീരത്തില് ചുറ്റി അര്ധനഗ്നയായി മുറിവുകളോടെ നില്ക്കുന്ന അമല പോളിനെയാണ് ചിത്രത്തിന്റെ ഫസ്റ്റ് ലുക്ക് പോസ്റ്ററില് കാണിച്ചത്.
സിനിമയ്ക്ക് എ സര്ട്ടിഫിക്കറ്റ് ആണ് ലഭിച്ചിരിക്കുന്നത്. വയലന്സ് രംഗങ്ങളുടെ അതിപ്രസരമാണ് എ സര്ട്ടിഫിക്കറ്റ് ലഭിക്കാന് കാരണമായത്. ചിത്രത്തിന്റെ കഥ കേട്ട് മറ്റ് പ്രോജക്ടുകള് വേണ്ടെന്നു വെച്ചിട്ടാണ് ആടൈ സ്വീകരിച്ചതെന്ന് നേരത്തെ അമല പോള് പറഞ്ഞിരുന്നു. ചിത്രത്തിലെ കഥാപാത്രത്തിന്റെ സങ്കീര്ണത ഓര്ത്ത് തനിക്കും സുഹൃത്തുക്കള്ക്കും ആശങ്കയുണ്ടെന്നും അമല വ്യക്തമാക്കിയിരുന്നു.