വിശാഖപട്ടണത്ത് കെമിക്കല് പ്ലാന്റിലുണ്ടായ വിഷവാതക ചോര്ച്ച മഹാമാരിക്കൊപ്പം മറ്റൊരു വലിയ ദുരന്തമായെന്ന് സിനിമാതാരങ്ങള്. ചിരഞ്ജീവി, അല്ലു അര്ജുന്, മഹേഷ് ബാബു, രാകുല് പ്രീത് എന്നീ താരങ്ങള് തങ്ങളുടെ ഞെട്ടലും ദുഃഖവും രേഖപ്പെടുത്തി എത്തി.
വിഷവാതക ചോര്ച്ചയില് എട്ട് പേര് മരിക്കുകയും 20 പേരുടെ നില ഗുരുതരവുമായി തുടരുകയുമാണ്. ആയിരത്തോളം ആളുകളെയാണ് ആശുപത്രിയില് പ്രവേശിപ്പിച്ചിരിക്കുന്നത്. മരിച്ചവരുടെ കുടുംബങ്ങളോട് സഹതാപവും മറ്റുള്ളവര് വേഗത്തില് സുഖം പ്രാപിക്കാനായി പ്രാര്ത്ഥിക്കുന്നതായും ചിരഞ്ജീവി ട്വീറ്റ് ചെയ്തു.
ലോക്ഡൗണിന് ശേഷം വ്യവസായ സ്ഥാപനങ്ങള് തുറക്കുമ്പോള് ഒരുപാട് ശ്രദ്ധിക്കണമെന്നും ചിരഞ്ജീവി കുറിച്ചിട്ടുണ്ട്. ഈ വാര്ത്തകള് കേട്ട് ഹൃദയം തകരുകയാണ്, വെല്ലുവിളി സമയത്ത് കൂടുതല് വെല്ലുവിളിയാകുന്നു എന്നാണ് നടന് മഹേഷ് ബാബു കുറിച്ചിരിക്കുന്നത്.
ഭയാനകമായ അപകടം എന്നാണ് നടന് അല്ലു അര്ജുന്റെ ട്വീറ്റ്. ഈ വര്ഷം ദിവസേന വഷളാവുകയാണ് എല്ലാവരും സുരക്ഷിതരായിക്കൂ എന്നാണ് നടന് രവി തേജ ട്വീറ്റ് ചെയ്തിരിക്കുന്നത്. നാനി, രാകുല് പ്രീത്, തമന്ന, ഹന്സിക എന്നിവരും ദുരന്തത്തില് അപലപിച്ചെത്തിയിട്ടുണ്ട്.