ബൈക്ക് യാത്രികനെ ഇടിച്ചിട്ട ശേഷം കാര് നിര്ത്താതെ പോയ സംഭവത്തില് നടന് ശ്രീനാഥ് ഭാസിയെ അറസ്റ്റ് ചെയ്ത് വിട്ടയച്ചു. മട്ടാഞ്ചേരി സ്വദേശി നല്കിയ പരാതിയിലാണ് കേസ് എടുത്തിരിക്കുന്നത്. മട്ടാഞ്ചേരി സ്വദേശി മുഹമ്മദ് ഫഹീമിനെയാണ് ഇടിച്ചിട്ടത്. കഴിഞ്ഞ മാസം എട്ടിന് ആയിരുന്നു അപകടം.
കാറില് ഒപ്പമുണ്ടായിരുന്നവരെ കുറിച്ച് പൊലീസ് അന്വേഷണം ആരംഭിച്ചു. കുറച്ച് ദിവസങ്ങള്ക്ക് മുമ്പാണ് കേസിന് ആസ്പദമായ സംഭവം ഉണ്ടായത്. അതേസമയം, ഹോട്ടലിലെ ലഹരി പാര്ട്ടിയില് പങ്കെടുത്തെന്ന സംശയത്തെ തുടര്ന്ന് ശ്രീനാഥ് ഭാസിയെ പൊലീസ് ചോദ്യം ചെയ്തിരുന്നു.
കുണ്ടന്നൂരിലെ ഹോട്ടലില് ലഹരിപ്പാര്ട്ടി നടത്തിയതിന് കുപ്രസിദ്ധ ഗുണ്ട ഓം പ്രകാശും കൂട്ടാളി ഷിഹാസും അറസ്റ്റിലായിരുന്നു. ഈ ഹോട്ടലില് ഇവരെ സന്ദര്ശിച്ചെന്ന പേരിലാണ് നടന് ശ്രീനാഥ് ഭാസി, നടി പ്രയാഗ മാര്ട്ടിന് എന്നിവരെ പൊലീസ് ചോദ്യം ചെയ്തത്.
എന്നാല് ലഹരി കേസില് ശ്രീനാഥ് ഭാസിക്കെതിരെ തെളിവുകള് ലഭിച്ചില്ലെന്ന് കമ്മീഷണര് വ്യക്തമാക്കിയിട്ടുണ്ട്. ശ്രീനാഥ് ഭാസിയെ 12 മണിക്കൂര് ചോദ്യം ചെയ്തിരുന്നു. കേസില് കൂടുതല് പ്രതികള് ഇല്ലെന്നാണ് സൂചന എന്നും അദ്ദേഹം നല്കിയിരുന്നു.