മോഹന്ലാല്-ബി. ഉണ്ണികൃഷ്ണന് കൂട്ടുകെട്ടില് എത്തിയ ‘ആറാട്ട്’ ചിത്രത്തിന്റെ ആഗോള കളക്ഷന് റിപ്പോര്ട്ട് പുറത്ത്. മൂന്ന് ദിവസം കൊണ്ട് ചിത്രം നേടിയത് 17.80 കോടിയാണ്. ഫെബ്രുവരി 18ന് തിയേറ്ററുകളിലെത്തിയ ചിത്രത്തിന് വന് സ്വീകരണമാണ് പ്രേക്ഷകരില് നിന്നും ലഭിച്ചത്.
ആരാധകര് കാണാന് ആഗ്രഹിച്ച മോഹന്ലാലാണ് ചിത്രത്തിലേത് എന്നാണ് പ്രേക്ഷകര് പറയുന്നത്. ചിത്രത്തിന്റെ ആദ്യ പകുതിക്ക് തിയേറ്ററുകളില് ആവേശം തീര്ക്കാന് സാധിച്ചു. മാസിന്റെ ആറാട്ടുമായി ആണ് നെയ്യാറ്റിന്കര ഗോപന് എന്ന മോഹന്ലാല് കഥാപാത്രം സ്ക്രീനില് നിറയുന്നത്.
എന്നാല് ആക്ഷന് മാത്രമല്ല, ചിത്രത്തിലെ ഹാസ്യ നിമിഷങ്ങളും വലിയ പ്രേക്ഷക പിന്തുണ നേടുന്നുണ്ട്. ആക്ഷന് രംഗങ്ങള് പ്രേക്ഷകരെ ത്രസിപ്പിക്കുമ്പോള് മോഹന്ലാലിന് ഒപ്പം തന്നെ സിദ്ദിഖ്, ജോണി ആന്റണി എന്നിവരും കയ്യടി നേടുന്നുണ്ട്.
രാഹുല് രാജ് ഒരുക്കിയ ഗാനങ്ങളും പശ്ചാത്തല സംഗീതവും ചിത്രത്തിന്റെ മാസ്സ് ഫീല് വീണ്ടും ഉയര്ത്തുന്നത് ആരാധകര്ക്ക് വലിയ ആവേശമാണ് ആദ്യ പകുതിയില് തന്നെ സമ്മാനിച്ചത്.
വില്ലന് എന്ന ചിത്രത്തിനു ശേഷം ബി ഉണ്ണികൃഷ്ണന് മോഹന്ലാലിനെ നായകനാക്കി ഒരുക്കുന്ന ചിത്രമാണിത്. പുലിമുരുകന്, മധുരരാജ എന്നീ ചിത്രങ്ങള്ക്ക് ശേഷം ഉദയകൃഷ്ണ തിരക്കഥ ഒരുക്കുന്ന ചിത്രം കൂടെയായിരിക്കും ആറാട്ട്.