സുരേഷ് ഗോപിക്ക് വേണ്ടി പ്രചാരണത്തില് സജീവമായി ഇറങ്ങുമെന്ന് നടന് വിവേക് ഗോപന്. പാര്ലമെന്റ് തിരഞ്ഞെടുപ്പില് താന് മത്സരിക്കില്ല എന്നാല് നിയമസഭയില് താന് വീണ്ടും മത്സരിക്കും എന്നാണ് വിവേക് ഗോപന് പറയുന്നത്. നേരത്തെ ചവറ മണ്ഡലത്തിലെ ബിജെപി സ്ഥാനാര്ത്ഥിയായി വിവേക് ഗോപന് മത്സരിച്ചിരുന്നു.
”സുരേഷേട്ടന് സപ്പോര്ട്ട് ഇല്ലെങ്കില് നമ്മള് ആരെയാ സപ്പോര്ട്ട് ചെയ്യണ്ടേ. തീര്ച്ചയായിട്ടും ഉണ്ടാകും. പിന്നെ ബാക്കി കഴിയുന്നത് പോലെ എല്ലാ സ്ഥലത്തും പോയി എല്ലാവരെയും സപ്പോര്ട്ട് ചെയ്യാനുള്ള പ്ലാനും മനസിലുണ്ട്. ഇനി സമയം കൊണ്ട് അങ്ങനെയുള്ള പരിപാടികളില് ചില വ്യത്യാസം വരുന്നുണ്ടെങ്കിലേയുള്ളു.”
”എന്നാലും കഴിയുന്നിടത്തോളം എല്ലായിടത്തും പോയി സപ്പോര്ട്ട് ചെയ്യണം എന്ന പ്രതീക്ഷയിലാണ് ഉള്ളത്. പാര്ലമെന്റ് ഇലക്ഷന് ഞാന് എന്തായാലും ഗോദയിലേക്ക് ഇല്ല. പിന്നില് നിന്നും പ്രവര്ത്തിക്കാനുള്ള തീരുമാനമാണ്. നിയമസഭാ ഇലക്ഷനില് താല്പര്യമുണ്ട്.”
”പുതിയ പുതിയ തലമുറകള് വരട്ടെ. എല്ലാം നല്ലതിന് വേണ്ടിട്ട് എന്നാണ് ഞാന് ചിന്തിക്കുന്നത്. നല്ല കാര്യങ്ങള് നമ്മുടെ നാടിനും രാജ്യത്തിനും നടക്കാന് വേണ്ടിയുള്ള ചിന്താഗതിക്കാരനാണ് ഞാന്” എന്നാണ് വ്ിവേക് ഗോപന് ഫില്മിബീറ്റിനോട് പ്രതികരിച്ചിരിക്കുന്നത്.
അതേസമയം, സീരിയലുകളില് തിളങ്ങി നില്ക്കുന്ന നടനാണ് വിവേക് ഗോപന്. തിരഞ്ഞെടുപ്പ് പ്രഖ്യാപനത്തിന് മുമ്പായിരുന്നു നടന് ബിജെപി ബന്ധം പരസ്യമാക്കിത്. സ്ഥാനാര്ഥിയായേക്കുമെന്നും സൂചന വന്നതിന് പിന്നാലെ തന്നെ ചവറ മണ്ഡലത്തില് ബിജെപിയുടെ സ്ഥാനാര്ഥിയുവുകയുമായിരുന്നു.