തമിഴകത്ത് ‘എമ്പുരാനെ’ മറികടന്ന് കുതിക്കുകയാണ് വിക്രം ചിത്രം ‘വീര ധീര ശൂരന്’. 55 കോടിയോളം രൂപ ചിത്രം ബോക്സ് ഓഫീസില് നിന്നും നേടിക്കഴിഞ്ഞു. എന്നാല് സിനിമയുടെ റിലീസ് ദിവസം കടുത്ത പ്രതിസന്ധി നേരിട്ടിരുന്നു. നിയമപ്രശ്നങ്ങളെ തുടര്ന്ന് ആദ്യ രണ്ട് ഷോ ക്യാന്സല് ആയിരുന്നു. അതിനാല് പടം വിജയിക്കില്ലെന്ന് കരുതിയെങ്കിലും പ്രേക്ഷകര് സിനിമ ഏറ്റെടുത്തു.
പ്രേക്ഷകര്ക്ക് നന്ദി പറഞ്ഞ് എത്തിയിരിക്കുകയാണ് വിക്രം ഇപ്പോള്. ”ജീവിതം ഒന്നെയുള്ളൂ അത് ഇതിഹാസം പോലെ ജീവിക്കണം എന്നൊക്കെ പറഞ്ഞ് ഒരാള് പോയേക്കാം. എന്നാല് ഈ ജീവിതത്തില് ഏതെങ്കിലും പ്രശ്നം എപ്പോഴെങ്കിലും ചുറ്റിത്തിരിഞ്ഞ് നമ്മുടെ മുന്നില് വരും. അതിന് ഒരു ഉദാഹരണമാണ് വീര ധീര സൂരന്. റിലീസിന് മുമ്പ് ചിത്രം കണ്ടവരെല്ലാം നല്ല അഭിപ്രായമാണ് പറഞ്ഞത്.”
”ഇത് ബ്ലോക്ബസ്റ്ററാകും, ഇത് പുതിയ രീതിയാണ്, ഇത് മാസായിരിക്കും, ഈ വര്ഷത്തെ മികച്ച പടമായിരിക്കും എന്നൊക്കെ. ഞങ്ങള് എല്ലാവരും വളരെ ആവേശത്തിലായിരുന്നു, എന്നാല് എല്ലാവര്ക്കും അറിയും പോലെ ഒരു നിയമപ്രശ്നം വന്നു. ഹൈക്കോടതി ഒരാഴ്ച റിലീസ് വിലക്കി. ഒന്നും ചെയ്യാന് പറ്റാത്ത അവസ്ഥ.”
”എന്നാല് ഈ ചിത്രം എങ്ങനെയും ഫാന്സിന് എത്തിക്കണം എന്നാണ് ഞാനും സംവിധായകന് അരുണും നിര്മ്മാതാവും അഭിനയിച്ചവരും എല്ലാവരും ആഗ്രഹിച്ചത്. ഫാന്സിന് വേണ്ടി എന്തെങ്കിലും ചെയ്യണം എന്ന് ഞാന് കുറേനാളായി ആഗ്രഹിക്കുന്നു. അതെല്ലാം മനസില് വച്ചാണ് കഷ്ടപ്പെട്ട് ഈ പടം ചെയ്തത്. എന്നാല് അത് വരില്ല എന്ന് അറിഞ്ഞപ്പോള് ശരിക്കും വിഷമിച്ചു. എന്നാല് എന്തെങ്കിലും സിനിമയ്ക്കായി ചെയ്യണം എന്ന തീരുമാനത്തിലായിരുന്നു ഞാന് എന്നെക്കൊണ്ട് പറ്റുന്നത് ചെയ്ത് ഒടുവില് പടം റിലീസായി.”
”എന്നാല് ആദ്യ രണ്ട് ഷോ ക്യാന്സിലായ പടം പിന്നീട് വിജയിക്കില്ല എന്നാണ് കരുതിയത്. ഒപ്പം ആദ്യത്തെ ദിവസത്തെ കളക്ഷന് നഷ്ടം വലുതാണ്. പക്ഷെ തിയേറ്ററില് എത്തിയവര് ചിത്രത്തെ ഏറ്റെടുത്തു. പ്രത്യേകിച്ച് കുടുംബങ്ങള്. അവരുടെയും മറ്റും വീഡിയോ ഞാന് കണ്ടിരുന്നു അതെല്ലാം മനോഹരമാണ്” എന്നാണ് വിക്രം പറയുന്നത്.