സംവിധായകന് ബ്ലെസിയെയും ‘ആടുജീവിതം’ സിനിമയെയും പുകഴ്ത്തി നടന് വിക്രം. ‘പൊന്നിയിന് സെല്വന് 2’ ചിത്രത്തിന്റെ പ്രൊമോഷനുമായി ബന്ധപ്പെട്ട് കൊച്ചിയില് എത്തിയപ്പോഴാണ് താരം ബ്ലെസിയെ കുറിച്ച് സംസാരിച്ചത്. ആടുജീവിതം 2വില് താനുമുണ്ടാകും എന്നും വിക്രം പറയുന്നുണ്ട്.
ബ്ലെസി കഴിവുള്ള സംവിധായകനാണ്. ആടുജീവിതം രണ്ടാം ഭാഗത്തില് താനുമുണ്ടാകും എന്നാണ് വിക്രം പറഞ്ഞത്. ചിത്രത്തില് ആട് ആയിട്ടായിരിക്കും താന് എത്തുകയെന്നും തമാശയായി താരം പറഞ്ഞു. നേരത്തെ ആടുജീവിതത്തിലേക്ക് വിക്രത്തെ ആയിരുന്നു ആദ്യം പരിഗണിച്ചതെന്ന് വാര്ത്തകള് എത്തിയിരുന്നു.
കൊച്ചിയിലെത്തിയ താരത്തിനോട് ആടുജീവിതം ട്രെയ്ലര് കണ്ടപ്പോള് എന്തുതോന്നി എന്ന ചോദ്യമാണ് മാധ്യമപ്രവര്ത്തകര് ചോദിച്ചത്. ”വളരെ നന്നായി. എനിക്ക് ഇഷ്ടപ്പെട്ടു. വളരെ കഴിവുള്ള സംവിധായകനാണ് ബ്ലെസി. ബ്ലെസിയുടെ ആദ്യ ചിത്രം കണ്ടപ്പോള് തന്നെ അദ്ദേഹത്തിനൊപ്പം വര്ക്ക് ചെയ്യണമെന്ന് ആഗ്രഹിച്ചിരുന്നു.”
”അങ്ങനെ കുറെ പ്ലാനിംഗ് നടന്നതാണ്. പക്ഷേ എനിക്ക് വേറെ കുറെ പടങ്ങള് വന്നതുകൊണ്ട് നടന്നില്ല. പാര്ട്ട് ടുവില് ഞാനുണ്ടാവും. ഞാന് ആടായിട്ട് വരും” എന്നായിരുന്നു വിക്രത്തിന്റെ മറുപടി. അതേസമയം, ഏപ്രില് 28ന് ആണ് പൊന്നിയിന് സെല്വന് 2 തിയേറ്ററുകളില് എത്തുന്നത്.
കല്ക്കി കൃഷ്ണമൂര്ത്തിയുടെ പൊന്നിയിന് സെല്വന് എന്ന നോവലിനെ ആധാരമാക്കിയാണ് മണിരത്നം തന്റെ സ്വപ്നചിത്രം ഒരുക്കിയിരിക്കുന്നത്. ഐശ്വര്യ റായ്, കാര്ത്തി, തൃഷ, ജയം രവി, ശരത് കുമാര്, ഐശ്വര്യ ലക്ഷ്മി, ശോഭിത ധൂലിപാല, ജയറാം എന്നിവരാണ് ചിത്രത്തില് പ്രധാന കഥാപാത്രങ്ങളായി എത്തുന്നത്.