ലിജോ ജോസ് പെല്ലിശേരി-മമ്മൂട്ടി കൂട്ടുകെട്ടില് ഒരുങ്ങുന്ന ചിത്രത്തെ കുറിച്ച് ആരാധകരുടെ പ്രതീക്ഷകള് ഏറെയാണ്. നന്പകല് നേരത്ത് മയക്കം ഒരു ഗംഭീ സിനിമ ആയിരിക്കുമെന്ന് പറയുകയാണ് ചിത്രത്തിന്റെ അണിയറ പ്രവര്ത്തകരില് ഒരാളായ സംവിധായകന് ടിനു പാപ്പച്ചന്.
പെല്ലിശ്ശേരി-മമ്മൂക്ക ചിത്രം ഈ.മ.യൗ, ജെല്ലിക്കട്ട് പോലെയാണോ അതോ ആമേന് പോലെയാണോ അതോ സിറ്റി ഓഫ് ഗോഡ് പോലെയാണോ എന്ന ചോദ്യത്തോടാണ് സംവിധാകന് പ്രതികരിച്ചത്. അത് സസ്പെന്സാണ് എന്നാണ് ടിനു ക്ലബ്ബ് എഫ്എമ്മിനോട് പ്രതികരിക്കുന്നത്.
”അത് തന്നെയാണ് സസ്പെന്സ്, പറയാന് പാടില്ല, അടിപൊളി പടമായിരിക്കും, ഗംഭീര സിനിമയായിരിക്കും. നന്പകല് നേരത്തിന്റെ ഷൂട്ട് ഒക്കെ കഴിഞ്ഞതാണ്. തമിഴ്നാട്ടില് നടക്കുന്ന കഥയാണ്. അതുകൊണ്ടാണ് തമിഴ് പേര് നല്കിയിരിക്കുന്നത്” എന്നാണ് ടിനു പാപ്പച്ചന് പറയുന്നത്.
‘നന്പകല് നേരത്ത് മയക്കം’ എന്നാല് ഒരാളുടെ ഉച്ച നേരത്തെ ഉറക്കമാണ് എന്ന് ടിനു പാപ്പച്ചന് പറഞ്ഞിരുന്നു. പകല് സൈക്കിള് മെക്കാനിക്കും ആക്രിക്കാരനും രാത്രി പക്കാ കള്ളനുമായ വേലന് എന്ന നകുലനെയാണ് മമ്മൂക്ക ചിത്രത്തില് അവതരിപ്പിക്കുന്നത്.
മമ്മൂട്ടിയുടെ പേരിലുള്ള പുതിയ നിര്മ്മാണ കമ്പനിയാണ് ചിത്രം നിര്മ്മിക്കുന്നത്. ലിജോയും മമ്മൂട്ടിയും ചേര്ന്നാണ് സിനിമ നിര്മ്മിക്കുന്നത്. പൂര്ണമായും തമിഴ്നാട്ടില് ചിത്രീകരിക്കുന്ന സിനിമ മലയാളത്തിലും തമിഴിലുമായാണ് ഒരുങ്ങുന്നത്.
രമ്യ പാണ്ട്യന്, അശോകന് എന്നിവരും ചിത്രത്തില് പ്രധാന വേഷം അവതരിപ്പിക്കുന്നു. എസ് ഹരീഷ് ആണ് തിരക്കഥയും സംഭാഷണവും നിര്വ്വഹിക്കുന്നത്. തേനി ഈശ്വറാണ് ക്യാമറ. ചിത്രത്തില് അശോകനും ഒരു പ്രധാന വേഷത്തില് അഭിനയിക്കുന്നുണ്ട്.