നിവിന് പോളിയെ കേന്ദ്ര കഥാപാത്രമാക്കി രാജീവ് രവി ഒരുക്കുന്ന ചിത്രമാണ് തുറമുഖം. ആരാധകർ ഏറെ കാത്തിരിക്കുന്ന ചിത്രത്തിന്റെതുറമുഖം റീലിസുമായി ബന്ധപ്പെട്ട് നിവിൻ പങ്കുവെച്ചിരിക്കുന്ന വിവരമാണ് ശ്രദ്ധേയമാകുന്നത്. തന്റെ ഏറ്റവും പുതിയ ചിത്രമായ സാറ്റര്ഡേ നൈറ്റിന്റെ പ്രെമോഷന്റെ ഭാഗമായി രാജഗിരി കോളേജില് എത്തിയപ്പോഴാണ് ഇക്കാര്യത്തെ കുറിച്ച് അദ്ദേഹം സംസാരിച്ചത്.
താന് നിവിന് പോളിയുടെ വലിയ ആരാധകനാണെന്നും തുറമുഖം അടിയന്തിരമായി തിയറ്ററില് ഇറക്കണമെന്നുമുള്ള ഒരു ആരാധകന്റെ കമന്റിന് മറുപടിയായി തുറമുഖം തന്റെ പോക്കറ്റിലല്ല ഇരിക്കുന്നത് എന്നായിരുന്നു ചിരിയോടെയുള്ള നിവിന് പോളിയുടെ മറുപടി. പിന്നീട് ചിത്രം വൈകാനുള്ള കാരണവും അദ്ദേഹം വിശദീകരിച്ചു.
തുറമുഖം തന്റെ പോക്കറ്റിലല്ല ഇരിക്കുന്നത്. ആ സിനിമ ഇറങ്ങണമെന്ന് നിങ്ങളെപ്പോലെ തന്നെ ആഗ്രഹിക്കുന്ന ഒരാളാണ് താന്. അതിന്റെ നിര്മ്മാതാവിന്റെ ചില സാമ്പത്തിക പ്രശ്നങ്ങള് എല്ലാം കാരണം അത് ഇത്തിരി പ്രശ്നത്തില് ഇരിക്കുകയായിരുന്നു എന്നാൽ ഇപ്പോൾ ചിത്രം ലിസ്റ്റിന് സ്റ്റീഫൻ ഏറ്റെടുത്തിട്ടുണ്ട്.
നവംബര്- ഡിസംബറില് റിലീസ് ആവുമെന്ന് വിശ്വസിക്കുന്നെന്നും നിവിൻ പറഞ്ഞു. പിരീഡ് ആക്ഷന് ഡ്രാമ വിഭാഗത്തില് പെടുന്ന ചിത്രം പല പ്രശ്നങ്ങളാൽ നിരവധി തവണ റിലീസ് മാറ്റിവെക്കപ്പെട്ട ചിത്രം കൂടിയാണ്