വീട്ടുജോലിക്കാരിയുടെ മകളെ കാണാതായതുമായി ബന്ധപ്പെട്ട് സോഷ്യൽ മീഡിയയിലൂടെ സഹായം അഭ്യർത്ഥിച്ച് സണ്ണി ലിയോൺ. വീട്ടുജോലിക്കാരിയുടെ ഒൻപത് വയസുള്ള മകളെ കാണാനില്ലെന്നും കണ്ടെത്തുന്നവർക്ക് 50000 രൂപ പാരിതോഷികം നൽകുമെന്നും താരം പറഞ്ഞു.
കുട്ടിയുടെ പേരുവിവരങ്ങളും ചിത്രവും മറ്റും സണ്ണി ലിയോൺഇൻസ്റ്റഗ്രാമിൽ പോസ്റ്റ് ചെയ്തിട്ടുണ്ട്. കൂടാതെ കുട്ടിയുടെ മാതാപിതാക്കളുടെ ഫോൺ നമ്പറുകളും പോസ്റ്റിൽ ചേർത്തിട്ടിണ്ട്. അനുഷ്ക കിരൺ മോറെ എന്നാണ് കുട്ടിയുടെ പേര്.
കുട്ടിയേക്കുറിച്ചുള്ള വിവരം നൽകുന്നവർക്കോ പണമായി ഉടനടി 11,000 രൂപ നൽകും. ഇതിനുപുറമേ തന്റെ കയ്യിൽ നിന്ന് വ്യക്തിപരമായി 50,000 രൂപ കൂടി നൽകുമെന്നും സണ്ണി ലിയോൺ പറഞ്ഞു.
മുംബൈയിൽ നിന്നും കുട്ടികളെ തട്ടികൊണ്ടുപോകുന്ന ക്രിമിനലുകളാണോ ഇതിനുപിന്നിലെന്ന് പൊലീസ് അന്വേഷിക്കുന്നുണ്ട്.
അനുരാഗ് കശ്യപ് സംവിധാനം ചെയ്ത കെന്നഡിയാണ് സണ്ണി ലിയോൺ ഒടുവിൽ ചെയ്ത ചിത്രം. ഈ വർഷം കാൻ ചലച്ചിത്രമേളയിൽ പ്രദർശിപ്പിച്ച ചിത്രത്തിന് മികച്ച പ്രേക്ഷക- നിരൂപക പ്രശംസകളാണ് കിട്ടിയത്.