വ്യത്യസ്തമായ സിനിമകളിലൂടെ സ്വകാര്യത നേടിയ നടിയായ രാധിക ആപ്തെ ഫഹദ് ഫാസില് ചിത്രം ഹരത്തിലൂടെയാണ് മലയാളിപ്രേക്ഷകര്ക്ക് പരിചിതയായത്. പൊതുവെ ഒടിടി പ്ലാറ്റ്ഫോമുകളിലാണ് നടിക്ക് മികച്ച അവസരങ്ങൾ ലഭിക്കുന്നത്. ചെറുതും വലുതുമായ വേഷങ്ങൾ രാധിക ചെയ്തു. ഇപ്പോഴിതാ തന്റെ ഗർഭകാലത്തെപ്പറ്റി തുറന്ന് പറയുകയാണ് താരം.
ഗർഭകാലത്ത് തനിക്ക് ബുദ്ധിമുട്ടുകളുണ്ടെന്ന് രാധിക പറയുന്നു. ഗർഭകാലം എളുപ്പമല്ല എന്നാണ് രാധിക പറയുന്നത്. ആദ്യത്തെ മൂന്ന് മാസവും കഠിനമായിരുന്നെന്ന് രാധിക പറയുന്നു. ഛർദ്ദി ഉണ്ടായിരുന്നു. മൂന്ന് മാസം തുടരെ 40 ഡിഗ്രിയിൽ ഷൂട്ടിംഗ് ഉണ്ടായിരുന്നു. ഉറക്കമില്ലായ്മ തന്നെ ബാധിക്കുന്നുണ്ടെന്നും താരം പറയുന്നു.
അഞ്ച് ദിവസം ഉറങ്ങിയിട്ടില്ല. മൂന്നാം ട്രൈമസ്റ്ററിൽ ഉറക്കമില്ലായ്മ വന്നു. ഉറക്കം തീരെയില്ല. അത് മോശമായിരുന്നു. ഒരു കുഞ്ഞ് ജനിക്കാൻ പോകുന്നതിനാൽ സന്തോഷമായിരിക്കണമെന്ന് ആളുകൾ പറയുന്നു. അവരെ ഇടിക്കാനാണ് എനിക്ക് തോന്നുന്നത്. ഞാനെൻ്റെ ബുദ്ധിമുട്ടുകൾ പറയുമ്പോൾ അവർ പറയുന്നത് സന്തോഷത്തോടെയിരിക്കാനാണെന്നും രാധിക ആപ്ത പറഞ്ഞുവയ്ക്കുന്നു.
ഗർഭകാലം എളുപ്പമല്ല. ചിലർക്ക് മറ്റുള്ളവരേക്കാൾ എളുപ്പമായിരുന്നു. അത് ആപേക്ഷികമാണ്. ഗർഭധാരണം കഠിനമാണ്. ശരീരം വലിയ മാറ്റങ്ങളിലൂടെ കടന്ന് പോകുന്നു. കഠിനമായ യാത്രയാണ്. ഞാനിതേക്കുറിച്ച് കള്ളം പറയുന്നില്ല. മാനസികമായും ശാരീരികമായം തയ്യാറെടുക്കുന്നത് കഠിനമാണ്. പ്രത്യേകിച്ചും നിങ്ങളൊരു ആക്ടീവായ വ്യക്തിയാണെങ്കിൽ. താൻ അമ്മയാകാൻ ആഗ്രഹിച്ചിട്ടില്ലെന്നും രാധിക തുറന്ന് പറയുന്നു.
2013 ലാണ് രാധിക ബ്രിട്ടീഷ് വയലിനിസ്റ്റ് ബെഡഡിക്ട് ടെയ്ലറിനെ വിവാഹം ചെയ്യുന്നത്. വിവാഹ ശേഷം ലണ്ടനിലാണ് ഇവർ കഴിഞ്ഞത്. ഇടയ്ക്ക് രാധിക മുംബൈയിലെത്തും. കഴിഞ്ഞ ദിവസമാണ് സന്തോഷകരമായ വാർത്ത രാധിക പങ്കുവെച്ചത്. സോഷ്യൽ മീഡിയയിൽ ഫോട്ടോ പങ്കുവെച്ചപ്പോഴാണ് രാധിക ഗർഭിണിയാണെന്ന് ആരാധകർ അറിഞ്ഞത്. ബിഎഫ്എ ലണ്ടൻ ഫിലിം ഫെസ്റ്റിവലിൽ നിന്നുള്ള ഫോട്ടോകളായിരുന്നു രാധിക പങ്കുവെച്ചത്.
അതേസമയം പൊതുവെ സിനിമ കഴിഞ്ഞാൽ ലൈം ലൈറ്റിൽ നിന്ന് മാറി നിൽക്കുന്നതാണ് രാധികയുടെ രീതി. ബോളിവുഡിലെ പാർട്ടികളിലോ ഇവൻ്റുകളിലോ താരത്തെ കാണാറില്ല. സ്വകാര്യ ജീവിതം നയിക്കാനാണ് രാധിക ആപ്തെയ്ക്ക് ഏറെ ഇഷ്ടം.
