കമൽ ഹാസനെയും ശിവാജി ഗണേഷനെയും പ്രധാന കഥാപാത്രങ്ങളാക്കി ഭരതൻ സംവിധാനം ചെയ്ത ‘തേവർ മകൻ’ എന്ന ചിത്രത്തിന്റെ ബോളിവുഡ് റീമേക്ക് ആയിരുന്നു പ്രിയദർശൻ സംവിധാനം ചെയ്ത് 1997-ൽ പുറത്തിറങ്ങിയ വിരാസത്. തബു, അനിൽ കപൂർ എന്നിവരായിരുന്നു ചിത്രത്തിൽ പ്രധാന വേഷത്തിലെത്തിയത്.
ഇപ്പോഴിതാ ചിത്രത്തിലെ കഥാപാത്രത്തിന്റെ പൂർണതയ്ക്ക് വേണ്ടി പ്രിയദർശൻ തന്റെ തലയിലൂടെ എണ്ണയൊഴിച്ചെന്നാണ് തബു പറയുന്നത്. എണ്ണമയമുള്ളതായി തോന്നിക്കാൻ കുറച്ച് ജെൽ പുരട്ടിക്കോളാൻ ഹെയർ സ്റ്റൈലിസ്റ്റ് നിർദേശിച്ചിരുന്നെങ്കിലും സംവിധായകൻ ഉദ്ദേശിച്ചത് നല്ല രീതിയിലുള്ള എണ്ണമയമായിരുന്നുവെന്നും തബു പറയുന്നു.
“എന്റെ കഥാപാത്രത്തിന് തലയിൽ എണ്ണ മയമുള്ള, നാടൻ ലുക്കായിരുന്നു പ്രിയന് വേണ്ടിയിരുന്നത്. തല എണ്ണമയമുള്ളതായി തോന്നിക്കാൻ കുറച്ച് ജെൽ പുരട്ടിക്കോളാൻ ഹെയർ സ്റ്റൈലിസ്റ്റ് നിർദേശിച്ചു. ഞാനത് അനുസരിച്ചു. സെറ്റിലെത്തിയപ്പോൾ പ്രിയദർശൻ ചോദിച്ചു തലയിൽ എണ്ണ പുരട്ടാൻ പറഞ്ഞതല്ലേ എന്ന്. എണ്ണ തേച്ചിട്ടുണ്ടെന്നും തിളക്കം വരുന്നുണ്ടെന്നും ഞാൻ പറഞ്ഞു. അദ്ദേഹം അവിടെനിന്ന് പോയി ഒരു കുപ്പി നിറച്ച് വെളിച്ചെണ്ണയുമായി വന്നു.
അതുമുഴുവൻ എന്റെ തലയിലേക്കൊഴിച്ചു. തലയിൽ എണ്ണമയം വേണമെന്ന് താനുദ്ദേശിച്ചത് ഇതാണെന്നും സംവിധായകൻ പറഞ്ഞു ആ സിനിമയ്ക്കുവേണ്ടി പിന്നെ ഹെയർസ്റ്റൈലിസ്റ്റിനെ ആവശ്യംവന്നില്ല. അഞ്ചുമിനിറ്റുകൊണ്ട് തയ്യാറാവും. നീണ്ട മുടിയിൽ എണ്ണ പുരട്ടി പിന്നിയിടുക മാത്രമേ സെറ്റിലെത്തുംമുൻപ് ചെയ്യേണ്ടതായി വന്നുള്ളൂ.” എന്നാണ് സൂമിന് നൽകിയ അഭിമുഖത്തിൽ പ്രിയദർശൻ പറഞ്ഞത്.