ചെന്നൈയിൽ വച്ച് നടത്തിയ ഒരു പരിപാടിയിൽ ക്ഷുഭിതയായി തെന്നിന്ത്യൻ താരം തമന്ന. ഗലാട്ട സംഘടിപ്പിച്ച പരിപാടിയിൽ പങ്കെടുക്കുന്നതിനായാണ് താരം ചെന്നൈയിൽ എത്തിയത്. പരിപാടിയുടെ ഭാഗമായി ആരാധകരുമായി നടി നേരിട്ട് സംവദിക്കുന്ന ഒരു സെഗ്മെന്റ് ഉണ്ടായിരുന്നു. ഇതിനിടയിൽ ചോദിച്ച ഒരു ചോദ്യമാണ് താരത്തെ പ്രകോപിതയാക്കിയത്.
കരിയർ അടക്കമുള്ള കാര്യങ്ങളെക്കുറിച്ചും മറ്റും പല ചോദ്യങ്ങളും തമന്നയോട് പരിപാടിയിൽ പങ്കെടുത്തവർ ചോദിച്ചിരുന്നു. ഇവയ്‌ക്കെല്ലാം താരം വളരെ വ്യകതമായി മറുപടി നൽകിയിരുന്നു. ഇതിനെയാണ് ഒരു വ്യക്തിപരമായ ചോദ്യം ഉയർന്നത്.
വിവാഹത്തെകുറിച്ചായിരുന്നു ആ ചോദ്യം. എന്താണ് ഇനി പ്ലാൻ, എപ്പോഴാണ് വിവാഹം ഉണ്ടാവുക എന്നൊക്കെയുള്ള ചോദ്യം തമന്നയെ ക്ഷുഭിതയാക്കുകയായിരുന്നു. ‘എന്റെ അച്ഛനും അമ്മയും ഈ ചോദ്യം എന്നോട് ചോദിക്കാറില്ല, ഇപ്പോഴുള്ള എന്റെ ജീവിതത്തിൽ ഞാൻ സന്തോഷവതിയാണ്’ എന്ന് ഒറ്റ വാക്കിൽ തമന്ന മറുപടി നൽകി.
അടുത്തിടെയാണ് ലസ്റ്റ് സ്റ്റോറീസ് ടു എന്ന വെബ് സീരീസിന്റെ പ്രമോഷനുമായി ബന്ധപ്പെട്ട പരിപാടിയിൽ കൂടെ അഭിനയിച്ച വിജയ് വർമയുമായി താൻ പ്രണയത്തിലാണെന്ന് നടി പറഞ്ഞത്.