ഇന്ത്യൻ സിനിമയിലെ മുൻനിര നടിമാരിൽ ഒരാളാണ് മലയാളിയായ പാലക്കാട്ടുകാരി വിദ്യ ബാലൻ. മലയാളികൾക്കെന്നും പ്രിയപ്പെട്ട താരം. മലയാളിയെന്ന് പറയുമ്പോൾപറയുമ്പോൾ തനിക്കിന്നും അഭിമാനമാണെന്നാണ് നടി പറയാറുള്ളത്. ഇപ്പോഴിതാ ഇപ്പോഴിതാ ഓപ്പൺ റിലേഷൻഷിപ്പിനെതിരെ വിദ്യ ബാലൻ പറഞ്ഞ വാക്കുകളാണ് ശ്രദ്ധ നേടുന്നത്.
ഇത്തരം ഓപ്പൺ റിലേഷൻഷിപ്പുകൾ തനിക്ക് അംഗീകരിക്കാൻ പറ്റില്ലെന്നാണ് വിദ്യ ബാലൻ പറയുന്നത്. ഓപ്പൺ റിലേഷൻഷിപ്പ് എന്ന ആശയത്തെ എനിക്ക് മനസിലാകുന്നില്ല. എല്ലാത്തിലും പരസ്പരം ഓപ്പണാകാം. പക്ഷെ ഓപ്പൺ റിലേഷൻഷിപ്പിൽ പങ്കാളി മറ്റൊരാളുടെ ഒപ്പമാകുന്നതിൽ നിങ്ങൾക്ക് കുഴപ്പമില്ല. ആരെങ്കിലുമായി പങ്കാളിയെ പങ്കുവെക്കുന്നു എന്നാൽ താൻ അതിന് ഓക്കെയല്ല എന്നും വിദ്യ ബാലൻ പറയുന്നുണ്ട്.
ഞാൻ മോണോഗമിയിൽ വിശ്വസിക്കുന്ന ആളാണ്. പങ്കാളിയുമായി നിങ്ങൾ എത്രത്തോളം സെക്യൂറായാലും പങ്കാളി മറ്റൊരാൾക്കൊപ്പം ഇരിക്കുന്നെന്ന ചിന്തപോലും തന്നെ ദേഷ്യപ്പെടുത്തുന്നു. ഓപ്പൺ റിലേഷൻഷിപ്പ് എന്ന സങ്കൽപ്പത്തെ ഞാൻ തിരസ്ക്കരിക്കുന്നു. നിങ്ങൾക്കത് വർക്ക് ചെയ്യുന്നുണ്ടെങ്കിൽ ഓക്കെ. താൻ വളരെ ഇമോഷണലും പൊസസീവുമാണെന്ന് വിദ്യ വ്യക്തമാക്കി. അതേസമയം പരാമർശം വൈറലായതോടെ സോഷ്യൽ മീഡിയയിൽ പല കമൻ്റുകളും വരുന്നുണ്ട്. വിദ്യയുടെ അഭിപ്രായത്തോട് നിരവധി പേർ യോജിച്ചു. എന്നാൽ ചിലർ എതിരഭിപ്രായങ്ങളും രേഖപ്പെടുത്തിയിട്ടുണ്ട്.