18 വയസ്സിന് മുകളിൽ പ്രായമുള്ള എല്ലാ ഇന്ത്യൻ പൗരന്മാർക്കും വാക്സിൻ സൗജന്യമായി നൽകാനുള്ള പ്രധാനമന്ത്രി നരേന്ദ്ര മോദിയുടെ തീരുമാനത്തിൽ അഭിവാദ്യം അർപ്പിച്ച് നടൻ ഷെയ്ൻ നിഗം. തന്റെ ഫെയ്സ്ബുക്ക് പേജിലൂടെയാണ് ഷെയ്ൻ പ്രധാനമന്ത്രിയ്ക്ക് അഭിവാദ്യം അർപ്പിച്ചത്.
‘ഇന്ത്യയിലെ മുഴുവന് പൗരന്മാര്ക്കും വാക്സിന് സൗജന്യമാക്കിയ പ്രധാനമന്ത്രി ശ്രീ.നരേന്ദ്ര മോദിയുടെ തീരുമാനത്തിന് അഭിവാദ്യങ്ങള്’, ഷെയ്ൻ നിഗം കുറിച്ചു.
രാജ്യത്തെ അഭിസംബോധന ചെയ്യവെയാണ് പ്രധാനമന്ത്രി ഈ സുപ്രധാനമായ തീരുമാനം അറിയിച്ചത്. ജൂണ് 21 മുതല് വാക്സിന് വിതരണം ആരംഭിക്കും. ഇന്ത്യ തദ്ദേശീയമായി നിര്മ്മിക്കുന്ന വാക്സിനുകള് ഉള്പ്പെടെ കേന്ദ്രം വാങ്ങി സംസ്ഥാനങ്ങള്ക്ക് സൗജന്യമായി അനുവദിക്കുമെന്നും പ്രധാനമന്ത്രി നരേന്ദ്രമോദി അറിയിച്ചു.