മമ്മൂട്ടിയുടെ സിബിഐ സീരിസ് ചിത്രത്തിന്റെ അഞ്ചാം ഭാഗത്തിനായാണ് ആരാധകര് കാത്തിരിക്കുന്നത്. പ്രഖ്യാപനത്തിന് ശേഷവും മറ്റു വിവരങ്ങള് ഒന്നും പുറത്തുവിടാത്ത ചിത്രത്തെ കുറിച്ച് നിരവധി ഊഹാപോഹങ്ങള് മുന്പ് സോഷ്യല് മീഡിയയില് പലതവണ വന്നിട്ടുണ്ട്. സിബിഐ അഞ്ചാം ഭാഗത്തിന്റെ പേരുമായി ബന്ധപ്പെട്ട് വരുന്ന വ്യാജ വാര്ത്തകളോട് പ്രതികരിച്ചിരിക്കുകാണ് തിരക്കഥാകൃത്ത് എസ്.എന് സ്വാമി.
കൗമുദിക്ക് നല്കിയ അഭിമുഖത്തിലാണ് എസ്.എന് സ്വാമി സംസാരിച്ചത്. തന്റെ ഇതുവരെയുളള എഴുത്തില് എറ്റവും അധികം സമയം എടുത്ത് പൂര്ത്തിയാക്കിയ തിരക്കഥ അഞ്ചാം ഭാഗത്തിന്റേതാണെന്ന് എസ്.എന് സ്വാമി പറയുന്നു. സിനിമയുടെ പേരും മറ്റ് കാര്യങ്ങളും തീരുമാനിച്ചിട്ടില്ല. എന്നാല് പലരും ഇപ്പോള് തന്നെ പല ടൈറ്റിലും പറഞ്ഞ് പ്രചരിപ്പിക്കുന്നുണ്ട്.
അതിന് താന് ഉത്തരവാദിയല്ല, ഔദ്യോഗികമായി തന്നെ സിനിമയുടെ പേര് അറിയിക്കുന്നതായിരിക്കും. സിനിമയുടെ ക്ലൈമാക്സിന് വേണ്ടിയാണ് കൂടുതല് സമയം എടുത്തത്. ഇതു വരെയുളള സിബിഐ ചിത്രങ്ങളില് നിന്നും വേറിട്ടു നില്ക്കുന്നതാണ് പുതിയ സിനിമയുടെ ക്ലൈമാക്സ്. അതുകൊണ്ട് തന്നെ എല്ലാതരത്തിലും ജനങ്ങള്ക്ക് ഇഷ്ടപ്പെടുമെന്ന് തന്നെയാണ് വിശ്വാസമെന്നും എസ്.എന് സ്വാമി വ്യക്തമാക്കി.
ഒരു സിബിഐ ഡയറിക്കുറിപ്പ് ചിത്രത്തിന്റെ വിജയത്തിന് പിന്നാലെയാണ് 1989ല് ജാഗത്ര എന്ന ചിത്രം എത്തിയത്. പിന്നീട് 2004ല് സേതുരാമയ്യര് സിബിഐയും, 2005ല് നേരറിയാന് സിബിഐയും പുറത്തിറങ്ങി. മമ്മൂട്ടിയെ വീണ്ടും സേതുരാമയ്യര് ലുക്കില് കാണാന് കാത്തിരിക്കുകയാണ് ആരാധകര്.