മലയാള സിനിമയിലെ ഭൂരിപക്ഷം നടന്മാരും നടിമാരോട് ലൈംഗിക താല്‍പര്യം പ്രകടിപ്പിക്കുന്നവരാണെന്ന ആരോപണവുമായി നടി സജിത മഠത്തില്‍. കാലങ്ങളായി സിനിമാമേഖലയില്‍ പ്രവര്‍ത്തിക്കുന്ന വ്യക്തിയെന്ന നിലയില്‍ അനുഭവത്തിന്റെ പശ്ചാത്തലത്തിലാണ് താനിതു പറയുന്നതെന്നും അവര്‍ പറഞ്ഞതായി മാധ്യമം റിപ്പോര്ട്ടു ചെയ്യുന്നു.
ഇത്തരം താല്‍പര്യങ്ങള്‍ക്ക് വഴങ്ങാന്‍ തയ്യാറാവാത്തവരെ സിനിമകളില്‍ നിന്നു മാറ്റി നിര്‍ത്തി പ്രതികാരം നടപ്പാക്കുന്ന നടന്മാര്‍, നടിമാര്‍ക്ക് തലക്കനമാണെന്നും പ്രതിഫലം കൂടുതലാണെന്നും പ്രചരിപ്പിക്കുകയും ചെയ്യുന്നു. സെന്റ് പീറ്റേഴ്‌സ് കോളേജില്‍ സംഘടിപ്പിച്ച സെമിനാറിലാണ് സജിത മഠത്തില്‍ ഇക്കാര്യങ്ങള്‍ വെളിപ്പെടുത്തിയത്.
സിനിമ രംഗത്ത് ജോലിചെയ്യുന്ന സ്ത്രീകള്‍ ഏറെ ചൂഷണങ്ങള്‍ക്കും മനുഷ്യാവകാശ നിഷേധത്തിനും ഇരയാക്കപ്പെടുന്നുണ്ട്. ഇത്തരം സ്ത്രീ വിരുദ്ധത സ്വാഭാവികമാണെന്നു പറയുന്ന മനുഷ്യരുടെ സംഘടനയാണ് ഫെഫ്കയെന്നും സജിത തുറന്നടിച്ചു.