രണ്വീറിന്റെ ആദ്യ ചിത്രം ബാന്ഡ് ബാജാ ഭാരതില് നായികയായി വേഷമിട്ടത് അനുഷ്ക ശര്മ്മയായിരുന്നു. ഇതിന് പിന്നാലെ നടിയുമായി രണ്വീര് പ്രണയത്തിലായതായി ഗോസിപ്പുകള് പ്രചരിച്ചിരുന്നു. എന്നാല് പിന്നീട് അനുഷ്കയുടെ കൂടെ ഇന്റിമേറ്റ് സീനുകളില് അഭിനയിക്കുമോ എന്ന ചോദ്യത്തിന് നടന് നല്കിയ മറുപടിയാണ് ആരാധകരെ പോലും ഞെട്ടിച്ചത്. സെക്സ് സീനാണെങ്കില് പോലും കുഴപ്പമില്ലെന്നാണ് നടന് പറഞ്ഞത്.
ഒരിക്കല് സിമി ഗരോവാളുമായി നടത്തിയ ചാറ്റ് ഷോ യില് സംസാരിക്കവേയാണ് രണ്വീര് സിംഗ് മനസ്സുതുറന്നത്. അനുഷ്കയുമായി ഇനിയൊരു സിനിമയില് അഭിനയിക്കുമോ എന്നും ചോദ്യം വന്നു.
‘അനുഷ്കയുടെ കൂടെ സെക്സ് സീന് ആണെങ്കില് പോലും താന് ചെയ്യുമെന്നും കാരണം അവള് അത്രയും പിന്തുണ തരുന്ന നടിയാണെന്നും’, രണ്വീര് പറയുന്നു. ആദ്യ സിനിമയായ ബാന്ഡ് ബാജാ ബാരത്, ബെല് വാസ് ലേഡീസ്, ദില് ധഡക്നേ ദോ തുടങ്ങി മൂന്ന് സിനിമകളിലാണ് അനുഷ്കയും രണ്വീറും ഒരുമിച്ച് അഭിനയിച്ചത്.
2017 ല് അനുഷ്ക ക്രിക്കറ്റ് താരം വീരാട് കോലിയുമായി വിവാഹിതയായി. 2018 ല് രണ്വീര് ദീപികയെയും വിവാഹം കഴിച്ചു. സര്ക്കസാണ് ഏറ്റവുമൊടുവില് രണ്വീറിന്റേതായി തിയേറ്ററുകളിലേക്ക് എത്തിയ ചിത്രം.