സാമന്ത-നാഗചൈതന്യ വിവാഹമോചന വാര്ത്തയോട് പ്രതികരിച്ച് സംവിധാകന് രാം ഗോപാല് വര്മ. വിവാഹമല്ല, വിവാഹമോചനമാണ് ആഘോഷിക്കപ്പെടേണ്ടതെന്നും വിവാഹം നരകത്തിലും വിവാഹമോചനം സ്വര്ഗത്തിലുമാണ് നടക്കുന്നതെന്നും സംവിധായകന് ട്വീറ്റ് ചെയ്തു. നിരവധി ട്വീറ്റുകളിലൂടെയാണ് സംവിധായകന്റെ പ്രതികരണം.
”വിവാഹമല്ല, വിവാഹമോചനങ്ങളാണ് ആഘോഷിക്കപ്പെടേണ്ടത്. വിവാഹം എന്നാല് മരണമാണ്, വിവാഹമോചനം പുനര്ജന്മവും. വിവാഹം ബ്രിട്ടീഷ് ഭരണമാണ്, വിവാഹമോചനം സ്വാതന്ത്ര്യവും. വിവാഹം രോഗമാണ്, വിവാഹമോചനം രോഗശാന്തിയും. വിവാഹങ്ങളേക്കാള് വിവാഹമോചനം ആഘോഷിക്കപ്പെടണം കാരണം, വിവാഹത്തില്, നിങ്ങള് എന്തിലേക്ക് കടക്കുന്നുവെന്ന് നിങ്ങള്ക്കറിയില്ല.”
”അതേസമയം വിവാഹമോചനത്തില് നിങ്ങള് നേടിയതില് നിന്നാണ് നിങ്ങള് പുറത്തുകടക്കുന്നത്. വിവാഹം നരകത്തില് നടക്കുന്നതാണ്, വിവാഹമോചനം സ്വര്ഗത്തിലും. മിക്ക വിവാഹങ്ങളും ആഘോഷങ്ങള് അവസാനിക്കുന്നത് വരെ പോലും തുടരുന്നില്ല. അതുകൊണ്ട് തന്നെ യഥാര്ഥ സംഗീത് നടക്കേണ്ടത് വിവാഹമോചന സമയത്താണ്, വിവാഹമോചിതരായ സ്ത്രീക്കും പുരുഷനും നൃത്തം ചെയ്യാന് കഴിയുന്ന സമയത്ത്” എന്നാണ് ആര്ജിവിയുടെ ട്വീറ്റ്.
ഏറെ നാളുകളായി പ്രചരിച്ചു കൊണ്ടിരുന്ന അഭ്യൂഹങ്ങള്ക്ക് വിരാമമിട്ടാണ് നാഗചൈതന്യയും സാമന്തയും കഴിഞ്ഞ ദിവസമാണ് വിവാഹമോചന വാര്ത്ത ഔദ്യോഗിക സ്ഥിരീകരിച്ചത്. 2017ല് വിവാഹിതരായ ഇവര് നീണ്ട നാല് വര്ഷത്തെ വിവാഹ ജീവിതത്തിന് ശേഷമാണ് ഇരുവരും വേര്പിരിയാന് തീരുമാനിച്ചത്.