നായികാ നായകൻ എന്ന റിയാലിറ്റി ഷോയിലൂടെ മലയാളി പ്രേക്ഷകർക്ക് സുപരിചിതയായ താരമാണ് മീനാക്ഷി രവീന്ദ്രൻ. റിയാലിറ്റി ഷോയ്ക്ക് പിന്നാലെ സിനിമയിലേക്ക് അരങ്ങേറിയ താരം ഫഹദിനൊപ്പം മാലിക്ക് എന്ന ചിത്രത്തിൽ അഭിനയിച്ചിരുന്നു. ഇപ്പോഴിതാ ഫഹദിനൊപ്പം അഭിനയച്ചതിനെക്കുറിച്ചുള്ള അനുഭവം പങ്കുവെച്ച് മീനാക്ഷി പറഞ്ഞ വാക്കുകളാണ് ശ്രദ്ധ നേടുന്നത്.
തന്റെ ജീവിതത്തിലെ വലിയൊരു എക്സ്പീരിയൻസ് ആയിരുന്നു മാലിക്ക്. ഫഹദിന്റെ മകളായാണ് താൻ സിനിമയിലെത്തിയത്. അദ്ദേഹത്തെ കണ്ടപ്പോൾ മുതൽ തന്റെ കൈയ്യും കാലും വിറക്കാൻ തുടങ്ങിയിരുന്നുവെന്നും മീനാക്ഷി പറഞ്ഞു. നല്ല ടെൻഷൻ അടിച്ചാണ് താൻ നിന്നാണ്.
ആദ്യത്തെ ഒന്ന് രണ്ട് ടേക്ക് കഴിഞ്ഞ് സിനിമയുടെ അസിസ്റ്റൻ്റ് തന്റെ അടുത്ത് വന്ന് ഇപ്പോ ഭയങ്കര ഫോർമാലിറ്റിയായാണ് ഫീൽ ചെയ്യുന്നത്. ഫഹദും മീനാക്ഷിയുമായി സംസാരിക്കണ്ട അച്ഛനും മകളുമായി സംസാരിക്കൂ എന്ന് പറഞ്ഞു. പിന്നെയാണ് എന്തെങ്കിലും കുറച്ച് അഭിനയിച്ചത്. കുറച്ച് കൂടി നന്നായി ചെയ്യണമെന്ന് ഉണ്ടായിരുന്നു. പക്ഷേ അപ്പോൾ അത് നടന്നില്ലെന്നും മീനാക്ഷി പറഞ്ഞു.
ആദ്യം താൻ അഭിനയിച്ച ചിത്രം മാലിക്ക് അല്ല, മൂൺവാക്ക് എന്ന ചിത്രത്തിലാണ് ആദ്യം അഭിനയിച്ചത്. അതിന്റെ ടീസർ റിലീസ് ആയി. പക്ഷെ സിനിമ റിലീസ് ആകാത്തതിൻ്റെ കാര്യം കൃത്യമായി അറിയില്ലെന്നും മീനാക്ഷി കൂട്ടിച്ചേർത്തു.