കേന്ദ്രം ജൂണ് 21 മുതല് വാക്സിന് സൗജന്യമായി സംസ്ഥാനങ്ങൾക്ക് നല്കുമെന്ന കേന്ദ്ര സര്ക്കാരിന്റെ തീരുമാനത്തില് പ്രതികരിച്ച് നടന് പ്രകാശ് രാജ്. അവസാനം രാജു ജെന്റില്മാനായെന്നാണ് മോദിയുടെ ചിത്രം പങ്കുവെച്ച് താരം കുറിച്ചത്.
ട്വിറ്ററിലൂടെയായിരുന്നു പ്രതികരണം. കേന്ദ്ര സര്ക്കാരിന്റെ സ്ഥിരം വിമര്ശകനാണ് പ്രകാശ് രാജ് .
ഇന്നലെ രാജ്യത്തെ അഭിസംബോധന ചെയ്യവെയാണ് പ്രധാനമന്ത്രി ഈ സുപ്രധാനമായ തീരുമാനം അറിയിച്ചത്. ഇന്ത്യ തദ്ദേശീയമായി നിര്മ്മിക്കുന്ന വാക്സിനുകള് ഉള്പ്പെടെ കേന്ദ്രം വാങ്ങി സംസ്ഥാനങ്ങള്ക്ക് സൗജന്യമായി അനുവദിക്കുമെന്നും പ്രധാനമന്ത്രി നരേന്ദ്രമോദി അറിയിച്ചു.