മലയാളി പ്രേക്ഷകർക്ക് ഏറെ പ്രിയങ്കരനായ താരമാണ് നിവിൻ പോളി. പ്രേമം എന്ന ചിത്രത്തിലൂടെ മലയാളികൾക്ക് പ്രിയങ്കരനായ താരം ചുരുങ്ങിയ കാലം കൊണ്ട് തന്നെ മലയാള സിനിമയിൽ തന്റെതായ സ്ഥാനം ഉറപ്പിച്ച നടനാണ്. ഇപ്പോഴിത പ്രേമത്തിന്റെ രണ്ടാം ഭാഗത്തെപ്പറ്റി മനസ്സ് തുറന്നിരിക്കുകയാണ് നടൻ. ജിഞ്ചർ മീഡിയയ്ക്ക് നൽകിയ അഭിമുഖത്തിലാണ് നടൻ ഇക്കാര്യത്തെപ്പറ്റി പറഞ്ഞത്.
പ്രേമത്തിന് രണ്ടാം ഭാഗം ഉണ്ടോ എന്ന അവതാരകൻ്റെ ചോദ്യത്തിന് ഇല്ല എന്നാണ് നടൻ മറുപടി പറഞ്ഞത്. പ്രേമം വൺടെെം മൂവിയാണ്. അതിനൊരിക്കലും രണ്ടാം ഭാഗം വരില്ല. പ്രേമം എപ്പോഴും ഒറ്റ സിനിമയായിട്ടിരിക്കുന്നതാണ് നല്ലതെന്നും നിവിൻ മറുപടി പറഞ്ഞു.
എബ്രിഡ് ഷെെൻ സംവിധാനം ചെയ്ത മഹാവിര്യരാണ് നിവിന്റെ ഏറ്റവും ഒടുവിൽ പുറത്തിറങ്ങിയ ചിത്രം. പോളി ജൂനിയർ പിക്ചേഴ്സ്, ഇന്ത്യൻ മൂവി മേക്കേഴ്സ് എന്നീ ബാനറുകളിൽ നിവിൻ പോളി, പി. എസ് ഷംനാസ് എന്നിവർ ചേർന്നാണ് മഹാവീര്യർ നിർമ്മിച്ചിരിക്കുന്നത്.
ലാൽ, ലാലു അലക്സ്, സിദ്ധിഖ്, ഷാൻവി ശ്രീവാസ്തവ, വിജയ് മേനോൻ, മേജർ രവി, മല്ലിക സുകുമാരൻ, സുധീർ കരമന, കൃഷ്ണ പ്രസാദ്, പദ്മരാജൻ രതീഷ്, സുധീർ പറവൂർ, കലാഭവൻ പ്രജോദ്, പ്രമോദ് വെളിയനാട്, ഷൈലജ പി അമ്പു എന്നിവരാണ് മറ്റ് പ്രധാനകഥാപാത്രങ്ങൾ.
പ്രശസ്ത സാഹിത്യകാരൻ എം. മുകുന്ദന്റെ കഥയ്ക്ക് തിരക്കഥയൊരുക്കി ചലച്ചിത്ര ഭാഷ്യം നൽകിയിരിക്കുന്നത് എബ്രിഡ് ഷൈനാണ്. ടൈം ട്രാവലും ഫാന്റസിയും കോടതിയും നിയമ വ്യവഹാരങ്ങളും മുഖ്യ പ്രമേയമായിരിക്കുന്ന ഈ ചിത്രം, നർമ്മ – വൈകാരിക മുഹൂർത്തങ്ങൾക്കും പ്രാധാന്യം നൽകിയിരിക്കുന്നു