ഡിസ്നി പ്ലസ് ഹോട്ട്സ്റ്റാറിൽ പുറത്തിറങ്ങുന്ന ഏറ്റവും പുതിയ മലയാളം വെബ് സീരീസ് ആണ് ‘മാസ്റ്റർപീസ്’. നിത്യ മേനോൻ, ഷറഫുദ്ദീൻ, മാല പാർവതി, രൺജി പണിക്കർ, ശാന്തി കൃഷ്ണ, അശോകൻ എന്നിവരാണ് മാസ്റ്റർപീസിൽ പ്രധാന വേഷത്തിലെത്തുന്നത്.
ശ്രീജിത്ത്. എൻ ആണ് മാസ്റ്റർപീസ് സംവിധാനം ചെയ്യുന്നത്. ‘തെക്കന് തല്ലുകേസ്’ എന്ന സിനിമയുടെ സംവിധായകൻ കൂടിയാണ് ശ്രീജിത്ത്.
ഇപ്പോഴിതാ സിനിമയെ കുറിച്ചുള്ള വിശേഷങ്ങളും മറ്റും പങ്കുവെക്കുകയാണ് നിത്യ മേനോൻ.
“ആക്ടർ ആയിരിക്കുക എന്നത് എപ്പോഴും എളുപ്പമുള്ള കാര്യമല്ല. എന്നെ സംബന്ധിച്ചിടത്തോളം ഒരു ആക്ടർ ആയിരിക്കുമ്പോഴുള്ള ഏറ്റവും വലിയ വെല്ലുവിളി ഫ്രീഡം അല്ലെങ്കിൽ പ്രൈവസി ആണ്. എനിക്ക് നടക്കാൻ പോണം, രാത്രിയിൽ എവിടെങ്കിലും പോണം എന്നുണ്ടെങ്കിൽ ഫ്രീഡം ഇല്ലാത്ത പോലെ എനിക്ക് ഫീൽ ചെയ്യാറുണ്ട്. ഏറ്റവും പോസിറ്റിവ് ആയ സംഗതി ഷെഡ്യൂൾസ് ആണ്. നോർമൽ ജോബ് ഉള്ള പോലെ അല്ലല്ലോ, നമ്മൾക്ക് വർക്ക് ചെയ്യുമ്പോൾ ഫുൾ വർക്ക് ചെയ്യണം. ശനിയോ ഞായറോ എന്നൊന്നുമില്ല. വർക്ക് ഓഫ് ആണെങ്കിൽ ഒരു ഓഫ് കിട്ടും എന്ന് മാത്രം.” ഫിൽമി ബീറ്റിന് നൽകിയ അഭിമുഖത്തിലാണ് നിത്യ മേനോൻ മനസുതുറന്നത്.
പ്രവീൺ എസ് ആണ് വെബ് സീരീസിന്റെ സംഭാഷണങ്ങളും തിരക്കഥയും എഴുതിയിരിക്കുന്നത്. ഒക്ടോബർ 25 നാണ് വെബ് സീരീസ് സ്ട്രീമിംഗ് ആരംഭിക്കുന്നത്. ഡിസ്നി പ്ലസ് ഹോട്ട്സ്റ്റാറില് നേരത്തേ റിലീസ് ചെയ്ത മലയാളം വെബ് സീരീസ് ‘കേരള ക്രൈം ഫയല്സ് ‘ ഏറെ പ്രേക്ഷക പ്രീതി നേടിയിരുന്നു.
മലയാളം, തമിഴ്, തെലുങ്ക്, ഹിന്ദി, കന്നഡ, ബംഗാളി, മറാത്തി തുടങ്ങിയ ഭാഷകളിലാണ് സീരീസ് പുറത്തിറങ്ങുന്നത്.