നാദിര്ഷ- ദിലീപ് കൂട്ടുകെട്ടില് ഒരുങ്ങിയ ‘കേശു ഈ വീടിന്റെ നാഥന്’ ചിത്രം ഡിസംബര് 31ന് ഡിസ്നി പ്ലസ് ഹോട്സ്റ്റാറില് റിലീസ് ചെയ്യുകയാണ്. ദിലീപിന്റെ വേറിട്ട ഗെറ്റപ്പ് ആണ് സിനിമയുടെ പ്രധാന ആകര്ഷണങ്ങളില് ഒന്ന്. 30 വയസുള്ള കേശുവായും 67 വയസ് പ്രായമുള്ള കേശുവായുമാണ് ദിലീപ് ചിത്രത്തില് വേഷമിടുന്നത്.
ദിലീപിന്റെ നായികയായി ഉര്വശി എത്തുന്നു എന്നതാണ് ചിത്രത്തിന്റെ മറ്റൊരു പ്രധാന ആകര്ഷണം. രത്നമ്മ എന്ന കഥാപാത്രത്തെയാണ് ഉര്വശി അവതരിപ്പിക്കുന്നത്. രത്നമ്മ എന്ന കഥാപാത്രം ചെയ്യാന് ഏറ്റവും അനുയോജ്യയായ താരം ഉര്വശി മാത്രമാണ് എന്നാണ് നാദിര്ഷ പറയുന്നത്.
കേശുവേട്ടനൊപ്പം കട്ടയ്ക്ക് നില്ക്കുന്ന കഥാപാത്രമാണ് ഭാര്യ രത്നമ്മ. അത് ചെയ്യാന് ഏറ്റവും അനുയോജ്യയായ താരം ഉര്വശി ചേച്ചി മാത്രമാണ്. ചേച്ചിക്ക് പകരം എന്നൊരു ചിന്ത പോലും ഉണ്ടായിട്ടില്ല. ചേച്ചി ഈ ചിത്രം ചെയ്യില്ല എന്ന് പറഞ്ഞിരുന്നു എങ്കില് എന്ത് ചെയ്യുമായിരുന്നു എന്നറിയില്ല.
പകരം വേറൊരു ആളില്ല, ആരെയും ചിന്തിക്കാനാവില്ല എന്ന് തന്നെയാണ് കഥ പറഞ്ഞ സമയത്ത് ചേച്ചിയോട് താന് പറഞ്ഞതും. ചിത്രത്തിന്റെ ഏറ്റവും വലിയ ഹൈലൈറ്റുകളില് ഒന്നാണ് ഈ കോമ്പോ എന്ന് നാദിര്ഷ ഒരു അഭിമുഖത്തിനിടെ വ്യക്തമാക്കി.
ചിത്രത്തിന്റെ ട്രെയ്ലര് അടുത്തിടെ പുറത്തെത്തിയിരുന്നു. ദിലീപ്- നാദിര്ഷ കൂട്ടുകെട്ട് ഒന്നിക്കുമ്പോള് പ്രേക്ഷകര്ക്ക് ലഭിക്കുന്നത് ചിരിവിരുന്നാകും എന്ന് ഊട്ടിയുറപ്പിക്കുന്ന രംഗങ്ങളാണ് ട്രെയിലറില്. തിരക്കഥ ഒരുക്കുന്നത് സജീവ് പാഴൂര് ആണ്.