നടന് കലാഭവന് മണിയുടെ ജന്മദിനം ഇന്നലെയായിരുന്നു. ഇപ്പോഴിതാ മണിയുടെ പേരില് കാശുണ്ടാക്കാന് മുതിരുന്നവരുടെ ചതിക്കുഴികളില് പോയി പെടരുതെന്ന അഭ്യര്ത്ഥനയുമായെത്തിയിരിക്കുകയാണ് നടനും സംവിധായകനുമായ നാദിര്ഷ.
കലാഭവന് മണിയുടെ പേരില് മുക്കിനും മൂലയിലുമുള്ള ഒരു പാട് സംഘടനകള് അവാര്ഡ് നിശയുമായി ഇറങ്ങിയിട്ടുണ്ട്. മണിയുടെ ബന്ധത്തിന്റെ പേരില് പല ആര്ട്ടിസ്റ്റുകളും മറ്റും ഫ്രീയായി ഇതൊക്കെ ചെയ്തുകൊടുക്കുമെന്നും അദ്ദേഹം കുറിപ്പില് പറയുന്നു.
ഫേസ്ബുക്ക് പോസ്റ്റിന്റെ പൂര്ണ്ണരൂപം
ജനുവരി ഒന്ന്. കലാഭവന് മണിയുടെ ജന്മദിനം .കലാഭവന് മണിയുടെ പേരില് മുക്കിനും മൂലയിലുമുള്ള ഒരു പാട് സംഘടനകള് അവാര്ഡ് നിശയുമായി ഇറങ്ങിയിട്ടുണ്ട്. മണിയുമായുള്ള ബന്ധത്തിന്റെ പേരില് ആര്ട്ടിസ്റ്റുകളും ടെക്നീഷ്യന്സും ആരും തന്നെ ഇതിനെ ചോദ്യം ചെയ്യാതെ ചെല്ലും എന്നും കലാപരിപാടികള് ഫ്രീയായി അവതരിപ്പിക്കും എന്നും ഇവറ്റകള്ക്കറിയാം .
അതിനാല് പ്രിയപ്പെട്ടവരുടെ ശ്രദ്ധയ്ക്ക് , ശരിയായതേത് ശരിയല്ലാത്തതേത് എന്ന് വ്യക്തമായി ബോധ്യപ്പെട്ടതിന് ശേഷം പരിപാടികളില് പങ്കെടുക്കാന് ശ്രമിക്കുക ആരും തന്നെ മണിയുടെ പേരില് കാശുണ്ടാക്കാന് മുതിരുന്നവരുടെ ചതിക്കുഴികളില് പോയി പെടരുത് എന്ന് അഭ്യര്ത്ഥിക്കുന്നു .
ഈ പേരും പറഞ്ഞ് പിരിക്കുന്നവന്മാര് ആരൊക്കെയെന്ന് കമന്റ് ചെക്ക് ചെയ്താല് മനസ്സിലാകും.