മലയാള സിനിമാ സെറ്റില് കാരവാനില് നടിമാര് വസ്ത്രം മാറുന്ന ദൃശ്യങ്ങള് ഒളിക്യാമറ ഉപയോഗിച്ച് പകര്ത്തിയെന്ന വെളിപ്പെടുത്തലിന് പിന്നാലെ മോഹന്ലാല് തന്നെ ഫോണില് വിളിച്ചിരുന്നുവെന്ന് നടി രാധിക ശരത്കുമാര്. തന്റെ സിനിമ സെറ്റിലായിരുന്നോ സംഭവമെന്ന് ചോദിച്ചു കൊണ്ടായിരുന്നു മോഹന്ലാല് വിളിച്ചത് എന്നാണ് രാധിക പറയുന്നത്.
മോഹന്ലാല് സാര് എന്നെ വിളിച്ച് ചോദിച്ചു, അയ്യോ ഇത് എന്റെ സെറ്റിലാണോ നടന്നത് എന്ന്. സാര്, ഞാന് പേര് പറയാന് താല്പര്യപ്പെടുന്നില്ലെന്ന് പറഞ്ഞു. നിങ്ങളുടെതോ അതോ മറ്റാരുടെയെങ്കിലുമോ സെറ്റ് എന്ന കാര്യം വെളിപ്പെടുത്താന് താല്പര്യമില്ലെന്ന കാര്യം അറിയിച്ചു എന്നാണ് രാധിക ചെന്നൈയില് മാധ്യമപ്രവര്ത്തകരോട് വ്യക്തമാക്കി.
അതേസമയം, തമിഴ് സിനിമയിലും സ്ത്രീകള്ക്കെതിരെ നടക്കുന്ന അതിക്രമങ്ങളെ കുറിച്ചും വാര്ത്താ സമ്മേളനത്തില് രാധിക പറഞ്ഞു. തമിഴ് സിനിമയിലെ ഉന്നതനായ താരം യുവനടിക്ക് നേരേ ലൈംഗികാതിക്രമം നടത്തി എന്നാണ് രാധിക വെളിപ്പെടുത്തിയിരിക്കുന്നത്.
യുവ നടിക്ക് നേരെയാണ് അതിക്രമമുണ്ടായത്. നടന് മദ്യപിച്ചിട്ടുണ്ടായിരുന്നു. തന്റെ ഇടപെടല് കാരണമാണ് നടിയെ രക്ഷിക്കാനായത്. താന് ആ നടനോട് കയര്ത്തു. പിന്നാലെ ആ പെണ്കുട്ടി തന്നെ കെട്ടിപ്പിടിച്ചു, ഭാഷ അറിയില്ലെങ്കിലും നിങ്ങളെന്ന രക്ഷിച്ചുവെന്ന് എനിക്ക് മനസിലായി എന്ന് പറഞ്ഞു എന്നാണ് രാധിക പറയുന്നത്.