കൊച്ചിയില്‍ വണ്ടി ഓടിക്കുമ്പോള്‍ തനിക്ക് പേടിയാണെന്ന് മംമ്ത മോഹന്‍ദാസ്. തന്റെ ചുറ്റിനും വണ്ടി ഓടിക്കുന്നവരെ കുറിച്ചാണ് തനിക്ക് പേടി. അതിന്റെ കാരണവും താരം വ്യക്തമാക്കുന്നുണ്ട്. മംമ്തയുടെ വാക്കുകള്‍ ഇപ്പോള്‍ ശ്രദ്ധ നേടുകയാണ്. വനിതയ്ക്ക് നല്‍കിയ അഭിമുഖത്തിലാണ് മംമ്ത സംസാരിച്ചത്.
”ഗള്‍ഫിലെ സ്‌കൂളില്‍ പഠിക്കുമ്പോള്‍ ആ നാട്ടിലെ കുട്ടികള്‍ വലിയ കാറുകളില്‍ വന്നിറങ്ങുന്നത് ആരാധനയോടെ നോക്കി നില്‍ക്കും. അന്നു മാത്രമല്ല എന്നും സ്‌പോര്‍ട്‌സ് കാറുകളോടാണ് ഇഷ്ടം. കോളജില്‍ പഠിക്കുമ്പോള്‍ ബൈക്ക് റേസിനും പോയിട്ടുണ്ട്.”
”യുഎസിലേക്ക് മാറിയ ശേഷമാണ് നല്ല ഡ്രൈവറായത്. ട്രാക്ക് ഡ്രൈവിനു പോകും. പരിശീലനം കിട്ടിയ ശേഷമേ അതില്‍ പങ്കെടുക്കാനാകൂ. കുറച്ചു കഴിയുമ്പോള്‍ കാറുമായി ബന്ധം വരും. എന്നാല്‍ യുഎസിലെ സ്പീഡില്‍ കൊച്ചിയില്‍ ഓടിക്കാനാവില്ല.”
”ഞാന്‍ ഓടിക്കുന്നതിനേക്കാള്‍ എനിക്ക് ചുറ്റും വണ്ടിയോടിക്കുന്നവരെ കുറിച്ചാണ് ശ്രദ്ധ. സെലിബ്രിറ്റിയാണ് ഓടിക്കുന്നതെന്നു കണ്ടാല്‍ പലരും പിന്നാലെ ചേസ് ചെയ്തു വരും. അവര്‍ക്ക് അപകടം പറ്റുമോ എന്നാണ് പേടി” എന്നാണ് മംമ്ത പറയുന്നത്.
അതേസമയം, ‘മഹേഷും മാരുതിയും’ ആണ് മംമ്തയുടെതായി ഒടുവില്‍ പുറത്തിറങ്ങിയ ചിത്രം. ആസിഫ് അലി നായകനായ ചിത്രം സേതു ആണ് സംവിധാനം ചെയ്തത്. വിറ്റിലിഗോ എന്ന അസുഖത്തെ അതിജീവിച്ച് സിനിമയില്‍ തിളങ്ങി നില്‍ക്കുകയാണ് താരം ഇപ്പോള്‍.