താനൂര് ബോട്ടപകടത്തില് വേദന പങ്കുവെച്ച് മമ്മൂട്ടി. ദുരന്തത്തില് മരണപ്പെട്ട വ്യക്തികളുടെ കുടുംബങ്ങളുടെ ദുഃഖത്തില് പങ്കുചേരുന്നുവെന്നും ഇത് അങ്ങേയറ്റം ദുഃഖമുണ്ടാക്കുന്ന സംഭവമാണെന്നും മമ്മൂട്ടി സോഷ്യല് മീഡിയയില് കുറിച്ചിരിക്കുന്നത്.
”മലപ്പുറം താനൂര് ഒട്ടുംപുറം തൂവല്തീരത്ത് വിനോദ സഞ്ചാരികളുമായി സഞ്ചരിച്ച ബോട്ട് മുങ്ങി നിരവധി പേര് മരിച്ച സംഭവം അങ്ങേയറ്റം ദുഃഖമുണ്ടക്കുന്നതാണ്. ദുരന്തത്തില് മരണപ്പെട്ട വ്യക്തികളുടെ കുടുംബങ്ങളുടെ ദുഃഖത്തില് പങ്കുചേരുന്നു. ചികിത്സയില് ഇരിക്കുന്നവര് എത്രയും പെട്ടെന്ന് ഭേദമായി ജീവിതത്തിലേക്ക് മടങ്ങി എത്തട്ടെ എന്ന് പ്രാര്ത്ഥിക്കുന്നു..” എന്നാണ് മമ്മൂട്ടിയുടെ കുറിപ്പ്.
അതേസമയം, താനൂര് ബോട്ടപകടത്തില് മരിച്ചവരുടെ കുടുംബങ്ങള്ക്ക് സഹായഹസ്തം നീട്ടി എത്തിയിരിക്കുകയാണ് ‘2018’ സിനിമയുടെ നിര്മ്മാതാക്കള്. അപകടത്തില് മരിച്ചവരുടെ കുടുംബങ്ങള്ക്ക് ഒരു ലക്ഷം രൂപ വീതം നല്കുമെന്നാണ് നിര്മ്മാതാക്കള് പ്രഖ്യാപിച്ചിരിക്കുന്നത്.
മരിച്ചവരുടെ കുടുംബങ്ങള്ക്ക് സംസ്ഥാന സര്ക്കാര് 10 ലക്ഷം വീതം ധനസഹായം നല്കുമെന്ന് അറിയിച്ചിട്ടുണ്ട്. അപകടത്തില് അനുശോചനം അറിയിച്ച പ്രധാനമന്ത്രി നരേന്ദ്ര മോദി മരിച്ചവരുടെ കുടുംബങ്ങള്ക്ക് രണ്ട് ലക്ഷം വീതം ധനസഹായവും പ്രഖ്യാപിച്ചിട്ടുണ്ട്.