എന്തുകൊണ്ടാണ് വണ്ണിന്റെ ഭാഗമാകാന് താന് തയ്യാറായത് എന്ന് തുറന്നു പറഞ്ഞ് മമ്മൂട്ടി. സിനിമയിലുള്ള പല പ്രത്യേകതകളും ആകര്ഷിക്കാറുണ്ടെന്നും വണ് എന്ന സിനിമ മുന്നോട്ടുവെച്ച ആശയം തന്നെയാണ് തന്നെ സ്വാധീനിച്ചതെന്നും മമ്മൂട്ടി പറയുന്നു.
നമുക്ക് തൃപ്തികരമല്ലാത്ത ഒരു ജനപ്രതിനിധി ജനപ്രതിനിധിയായി നില്ക്കണ്ട, അയാള്ക്ക് തിരിച്ചുവരാം. വേറൊരാള്ക്ക് നില്ക്കാം അങ്ങനെയുള്ള ആശയങ്ങള് യൂറോപ്പിലെ ചില പാര്ലമെന്റുകള് അല്ലാത്ത ലോക്കല് ബോഡികളില് നടക്കുന്നുണ്ട്.
മാത്രമല്ല അവിടുത്തെ പഞ്ചായത്തുകളില് ഒരു പുതിയ നിയമം പാസ്സാക്കണമെങ്കില് ജനങ്ങള് അതിന് വോട്ട് ചെയ്യുന്നത് ഞാന് നേരില് കണ്ടിട്ടുണ്ട്.
ജര്മ്മനിയിലും സ്വിറ്റ്സര്ലന്റിലുമൊക്കെ യാത്ര ചെയ്യുമ്പോള് ഒരിക്കല് ആളുകള് ഇങ്ങനെ കൂട്ടംകൂടി നില്ക്കുന്നു. എന്താണെന്ന് ചോദിച്ചപ്പോള് പഞ്ചായത്തിന്റെ ഒരു പുതിയ നിയമം വരികയാണ് ജനങ്ങള് അതിനെ എത്രത്തോളം പിന്തുണയ്ക്കുന്നു, അനുകൂലമാണോ പ്രതികൂലമാണോ എന്നറിയാനുള്ള വോട്ടിംഗ് ആണെന്ന് പറഞ്ഞു. അദ്ദേഹം കൂട്ടിച്ചേർത്തു .