നവാഗതനായ നഹാസ് ഹിദായത്ത് സംവിധാനം ചെയ്ത ‘ആർ. ഡി. എക്സ്’ എന്ന ചിത്രത്തിലൂടെ പ്രേക്ഷകർക്ക് പ്രിയങ്കരിയായ നടിയാണ് മഹിമ നമ്പ്യാർ. മഹിമ നമ്പ്യാർ അഭിനയിച്ച ഏറ്റവും പുതിയ ചിത്രമായ ബ്രോമാൻസ് വാലെന്റൈൻസ് ദിനത്തിൽ തിയേറ്ററിൽ എത്തിയിരുന്നു.
ഇപ്പോഴിതാ മമ്മൂക്കയെയും ലാലേട്ടനെയും ഒരുപോലെ ഇഷ്ടമാണ് എന്നും എന്നാൽ മമ്മൂക്കയെ കുറച്ചധികം ഇഷ്ടമാണ് എന്ന് പറയുകയാണ് നടി. റെഡ് എഫ് എം മലയാളത്തിന് നൽകിയ അഭിമുഖത്തിൽ സംസാരിക്കുകയായിരുന്നു നടി. മമ്മൂട്ടിയെയാണോ മോഹൻലാലിനെയാണോ കൂടുതൽ ഇഷ്ടം എന്ന് ചോദിച്ചാൽ തനിക്ക് രണ്ടുപേരെയും ഒരുപോലെ ഇഷ്ടമാണ് എന്ന് പറയുകയാണ് മഹിമ പറയുന്നത്.
‘എനിക്കങ്ങനെ ഫേവറിറ്റായ ഒരാളെ പറയാൻ കഴിയില്ല. എനിക്ക് മമ്മൂക്കയെയും ലാലേട്ടനെയും ഒരുപോലെ ഇഷ്ടമാണ്. പക്ഷേ, ഞാൻ മമ്മൂക്കയുടെ കൂടെ വർക്ക് ചെയ്തിട്ടുള്ളതുകൊണ്ട് മമ്മൂക്കയെ കുറച്ചുകൂടെ അധികം ഇഷ്ടമാണ്’ എന്നാണ് മഹിമ പറഞ്ഞത്.
കാര്യസ്ഥൻ എന്ന് ചിത്രേത്തിലൂടെയാണ് മഹിമ സിനിമയിലേക്ക് എത്തുന്നത്. പിന്നീട് തമിഴ് സിനിമയിൽ സജീവമായ നടി മാസ്റ്റർപീസ് എന്ന മമ്മൂട്ടി ചിത്രത്തിലൂടെ തിരിച്ചുവന്നു. വാലാട്ടി, മധുരരാജ തുടങ്ങിയ ചിത്രങ്ങളിൽ നടി ക്യാരക്ടർ റോളുകൾ ചെയ്തിട്ടുണ്ട്.