2011ല് സംപ്രേഷണം തുടങ്ങിയ സമയം മുതല് പ്രേക്ഷകരുടെ മനസ്സില് ഇടം നേടിയ ടെലിവിഷന് പരമ്പരയാണ് ഗെയിം ഓഫ് ത്രോണ്സ് . സങ്കീര്ണ്ണമായ കഥാപാത്രങ്ങള്, നഗ്ന രംഗങ്ങള് , വയലന്സ് എന്നിവയൊക്കെ തിങ്ങി നിറഞ്ഞ പരമ്പരയ്ക്ക് കാണികളേറെയാണ്. ഇപ്പോഴിതാ പരമ്പരയിലെ സെക്സ് സീനുകളെക്കുറിച്ച് വെളിപ്പെടുത്തിയിരിക്കുകയാണ് ജോണ് സ്നോ എന്ന കഥാപാത്രത്തെ അവതരിപ്പിക്കുന്ന കിറ്റ് ഹാരിംഗ്ടണ്.
പരമ്പരയില് ഖലീസി എന്ന കഥാപാത്രത്തെ അവതരിപ്പിക്കുന്ന തന്റെ സുഹൃത്തു കൂടിയായ എമിലി ക്ലാര്ക്കുമായുള്ള സെക്സ് സീനുകളെക്കുറിച്ചാണ് കിറ്റ് സംസാരിച്ചത്.
”ശരിക്കും ഇത് വളരെ വിചിത്രമായി തോന്നി. എമിലിയും ഞാനും ഏഴുവര്ഷമായി സുഹൃത്തുക്കളാണ്. സാധാരണ ഇത്തരം രംഗങ്ങളിലഭിനയിക്കുമ്പോള് അഭിനേതാക്കള് തമ്മില് ആദ്യമായി കാണുന്നവരായിരിക്കും. ഇന്റിമേറ്റ് സീനുകളുടെ തുടക്കത്തില് ചുംബിക്കാന് ആരംഭിക്കുമ്പോള് തന്നെ ഞങ്ങള് പരസ്പരം നോക്കി ചിരിച്ചു തുടങ്ങും.
എമിലി വളരെ മിടുക്കിയാണ് എനിക്ക് അവളെ വളരെ ഇഷ്ടവുമാണ്. അതുകൊണ്ട് ചുംബിക്കുന്നതിന് പ്രശ്നമൊന്നുമില്ല. പക്ഷേ അത് അഭിനയിക്കാന് കുറച്ച് പ്രയാസം തന്നെയായിരുന്നു. ഒരു ക്യാമറയ്ക്ക് മുന്നില് അത് അഭിനയിക്കുക വളരെ വിചിത്രമായി തന്നെ തോന്നി. കിറ്റ് കൂട്ടിച്ചേര്ത്തു.