നടി പാര്വതിയുടെ തിരിച്ചുവരവിനെ കുറിച്ചുള്ള ചര്ച്ചകള് എന്നും സോഷ്യല് മീഡിയയില് ശ്രദ്ധ നേടാറുണ്ട്. നിരവധി ഹിറ്റ് സിനിമകളുടെ ഭാഗമായ പാര്വതിമലയാളി പ്രേക്ഷകരുടെ പ്രിയപ്പെട്ട നടിയാണ്. 1993ല് പുറത്തിറങ്ങിയ ‘ചെങ്കോല്’ ആണ് താരത്തിന്റെതായി പുറത്തിറങ്ങിയ ഒടുവിലത്തെ ചിത്രം.
ഭര്ത്താവ് ജയറാം, മകന് കാളിദാസ് എന്നിവര്ക്ക് മുന്നില് എന്നും പാര്വതിയുടെ തിരിച്ചു വരവിനെ കുറിച്ചുള്ള ചോദ്യങ്ങള് എത്താറുണ്ട്. പാര്വതി വീണ്ടും സിനിമയില് എത്തുമോ എന്ന ചോദ്യത്തിന് മറുപടി നല്കിയിരിക്കുകയാണ് കാളിദാസ് ഇപ്പോള്. അമ്മയുടെ കൂടെ സിനിമ ചെയ്യണമെന്ന് തനിക്കും ആഗ്രഹമുണ്ടെന്നാണ് കാളിദാസ് പറയുന്നത്.
”അമ്മയ്ക്ക് നല്ലൊരു സിനിമ ചെയ്യണം എന്ന് ആഗ്രഹമുണ്ട്. പക്ഷെ അമ്മയ്ക്ക് ഇഷ്ടം നമ്മുടെ കൂടെ തന്നെ വീട്ടിലിരിക്കുക, ചില് ചെയ്യുക ഒക്കെയാണ്. ഞാനും കാത്തിരിക്കുകയാണ് അമ്മ സിനിമയില് തിരിച്ചു വരുന്നത്. എനിക്ക് ഭയങ്കര ആഗ്രഹമുണ്ട് അമ്മയുടെ കൂടെ ഒരു സിനിമ ചെയ്യണമെന്ന്” എന്നാണ് കാളിദാസ് ഒരു അഭിമുഖത്തില് പറയുന്നത്.
അതേസമയം, സഹോദരി മാളവിക സിനിമയില് എത്തുമോ എന്ന ചോദ്യത്തിനും കാളിദാസ് നല്കിയിരുന്നു. മാളവിക സിനിമയിലേക്ക് വരുമെന്ന് തോന്നുന്നില്ല. വെറുതെ സിനിമയിലേക്ക് ആരും വരാന് സാധിക്കില്ലെന്നും ആര്ട്ടിസ്റ്റ് ആകണമെങ്കില് അതിന്റേതായ എഫേര്ട്ട് എടുക്കണം എന്നാണ് കാളിദാസ്.