ഓസ്കര് നേട്ടത്തിന്റെ തിളക്കത്തിലാണ് രാജമൗലി ചിത്രം ‘ആര്.ആര്.ആര് . ചിത്രത്തിലെ നായകന്മാരായ രാംചരണിനും ജൂനിയര് എന്.ടി.ആറിനും ഒക്കെ ഇതുവഴി വിദേശ രാജ്യങ്ങളിലും ആരാധകരെ ലഭിച്ചിട്ടുണ്ട്. ഇപ്പോഴിതാ ആരാധകരുടെ ചോദ്യങ്ങള്ക്ക് രസകരമായ മറുപടിയുമായി രംഗത്തെത്തിയിരിക്കുകയാണ് ജൂനിയര് എന്.ടി.ആര്. വിശ്വവാക് സെന്നിന്റെ ‘ദാസ് കാ ദംകി’ എന്ന ചിത്രത്തിന്റെ പ്രീ റിലീസ് ഇവന്റില് സംസാരിക്കുകയായിരുന്നു താരം.
ജൂനിയര് എന്.ടി.ആറിന്റെ വരാന് പോകുന്ന പ്രോജക്ടുകള് ഏതെല്ലാമാണെന്ന് ആരാധകര് ചോദിച്ചു. ഇതിന് മറുപടിയായി ഇനി താന് ചിത്രങ്ങള് ഒന്നും ചെയ്യുന്നില്ലെന്ന് താരം പറഞ്ഞു. ഇനിയും ഇക്കാര്യം ആവര്ത്തിച്ച് ചോദിച്ചാല് സിനിമ ചെയ്യുന്നത് താന് നിര്ത്തുമെന്നും നടന് തമാശ രൂപേണ പറഞ്ഞു.
സിനിമ ചെയ്യുന്നത് നിര്ത്താന് ഉദ്ദേശമില്ലെന്നും നടന് പിന്നാലെ വ്യക്തമാക്കി. ആര്ആര്ആറിനു ശേഷം താരത്തിന്റെ ഒരുപിടി ബിഗ് ബജറ്റ് ചിത്രങ്ങളാണ് അണിയറയില് ഒരുങ്ങുന്നത്. ഇതില് ഏറ്റവും ശ്രദ്ധേയം കൊരട്ടല ശിവ സംവിധാനം ചെയ്യുന്ന ചിത്രമാണ്.
ബോളിവുഡ് താരം ജാന്വി കപൂറാണ് ഈ ചിത്രത്തില് നായികയായി എത്തുന്നത്. ജാന്വിയുടെ ആദ്യ തെന്നിന്ത്യന് സിനിമയാണിത്. അടുത്ത വര്ഷം ഏപ്രില് 5 നാണ് ചിത്രം പുറത്തിറങ്ങുന്നത്.