തന്റെ ശബ്ദം നഷ്ടപ്പെട്ടുവെന്ന് ഗായകന് ഹരീഷ് ശിവരാമകൃഷ്ണന്. തനിക്ക് ഇപ്പോള് ശബ്ദമില്ലെന്നും താന് വോയിസ് റെസ്റ്റിലാണ് എന്നുമാണ് ഹരീഷ് സോഷ്യല് മീഡിയയിലൂടെ അറിയിച്ചിരിക്കുന്നത്.
”ശബ്ദം ഇല്ലാത്ത ഞാന് ഞാനേ അല്ല എന്നതാണ് ശബ്ദം നഷ്ടപ്പെട്ടിരിക്കുന്ന ഈ സാഹചര്യത്തില് ഉള്ള എന്റെ വലിയ തിരിച്ചറിവ്. 15 ദിവസത്തേക്ക് വോയിസ് റെസ്റ്റില്” എന്നാണ് ഹരീഷ് സോഷ്യല് മീഡിയയില് കുറിച്ചിരിക്കുന്നത്. പിന്നാലെ ഗായകന് എത്രയും വേഗം സുഖം പ്രാപിക്കട്ടെയെന്ന കമന്റുകളുമായി ആരാധകരുമെത്തി.
സംഗീതപരിപാടിയുമായി ബന്ധപ്പെട്ട് ഹരീഷ് ശിവരാമകൃഷ്ണന് വിദേശത്തായിരുന്നു. കോവിഡ് കാലത്തെ ഹരീഷിന്റെ ആദ്യ വിദേശ പരിപാടി ദുബായ് എക്സ്പോയില് ആയിരുന്നു. എവര്ഗ്രീന് സിനിമാ ഗാനങ്ങളുടെ കവര് വേര്ഷന് ഒരുക്കി പ്രേക്ഷകരുടെ ശ്രദ്ധ നേടിയ ഗായകനാണ് ഹരീഷ് ശിവരാമകൃഷ്ണന്.
കാര്ഡിയാക് അറസ്റ്റിനെ അതിജീവിച്ച് നെഞ്ചില് പേസ്മേക്കറുമായാണ് ജീവിക്കുന്നതെന്ന് ഗായകന് തുറന്നു പറഞ്ഞിരുന്നു. ലോകഹൃദയ ദിനത്തില് ആയിരുന്നു ഹൃദ്രോഗത്തെ അതിജീവിച്ച കഥ ഗായകന് പങ്കുവച്ചത്. രോഗം ഒന്നിന്റെയും അവസാനമല്ല എന്നും ഹരീഷ് വ്യക്തമാക്കിയിരുന്നു.