താന് കടുത്ത ബോഡിഷെയ്മിംഗ് നേരിടുന്നുണ്ടെന്ന് നടി ഹണി റോസ്. ഇത്തരത്തിലുള്ള ട്രോളുകള് വ്യാപകമായി പ്രചരിക്കുകയാണെന്നും അവര് വ്യക്തമാക്കി. വെറൈറ്റി മീഡിയയ്ക്ക് നല്കിയ അഭിമുഖത്തിലാണ് ഹണി മനസ് തുറന്നത്.
ഹണി റോസിന്റെ വാക്കുകള്
ബോഡി ഷെയ്മിംഗ് ഭയങ്കര നിര്ഭാഗ്യമാണ്. ഞാന് മാത്രം നേരിടുന്നതല്ല. എല്ലാവരും നേരിടുന്നുണ്ട്. വണ്ണം കൂടിയാലും കുറഞ്ഞാലുമുണ്ട്. ഏതെങ്കിലും ശരീരഭാഗം വച്ച് അപമാനിക്കുക എന്നതൊക്കെ പതിവായി മാറി. ആ പ്രവണത സമൂഹത്തില് നിന്നും മാറണമെന്നാണ് എനിക്ക് തോന്നുന്നത്. എനിക്ക് പല മോശം അനുഭവമുണ്ടായിട്ടുണ്ട്. പക്ഷെ അതിനെ നേരിടാന് പഠിച്ചു.
ഇപ്പോള് എനിക്കറിയാം ഒരാള് മോശമായി സമീപിച്ചാല് എങ്ങനെയാണ് ഡീല് ചെയ്യേണ്ടത് എന്നറിയാം. ഇപ്പോള് അങ്ങനെയുണ്ടാകാറില്ല. തുടക്കകാലത്തായിരിക്കും അത്തരം സമീപനങ്ങളുണ്ടാവുക .
വിനയന് ഒരുക്കിയ ബോയ്ഫ്രണ്ട് എന്ന ചിത്രത്തിലൂടെയാണ് ഹണി റോസ് സിനിമയിലെത്തുന്നത്. തെലുങ്കിലേക്ക് മടങ്ങിയെത്തുകയാണ് ഹണി റോസ്. സൂപ്പര് താരം ബാലകൃഷ്ണയുടെ ചിത്രത്തിലൂടെയാണ് ഹണി റോസ് തെലുങ്കിലേക്ക് മടങ്ങിയെത്തുന്നത്. ചിത്രത്തിലെ പാട്ടിന്റെ ലിറിക് വീഡിയോ ഈ അടുത്ത് പുറത്തിറങ്ങിയിരുന്നു. മലയാളത്തിലും ഹണിയുടേതായി നിരവധി സിനിമകള് ഒരുങ്ങുന്നുണ്ട്.