സ്കൂള് ഓഫ് ഡ്രാമയില അധ്യാപകനെതിര ലൈംഗിക പീഡന പരാതി ഉയര്ത്തിയ വിദ്യാര്ത്ഥികള്ക്ക് പിന്തുണയുമായി ഹരീഷ് പേരടി. വിദ്യാര്ത്ഥിനികളുടെ ചിത്രം പങ്കുവച്ച് സിപിഎമ്മിന്റെ സംസ്ഥാന സമ്മേളനത്തിലേക്ക് ഈ പെണ്കുട്ടികളെ നിര്ബന്ധമായും ക്ഷണിക്കണം എന്നാണ് ഹരീഷ് പേരടി ഫെയ്സ്ബുക്കില് കുറിച്ചിരിക്കുന്നത്.
ഹരീഷ് പേരടിയുടെ കുറിപ്പ്:
സ്കൂള് ഓഫ് ഡ്രാമയിലെ നീതിക്കും സമത്വത്തിനും വേണ്ടി സമരം ചെയ്ത ഈ പെണ്കുട്ടികള് നാടകലോകത്തിന്റെ അഭിമാനമാണ്…CPI(M)ന്റെ സംസ്ഥാന സമ്മേളനത്തിലേക്ക് നിര്ബന്ധമായും ക്ഷണിക്കപ്പെടേണ്ട കുട്ടികള്…
ഇവരെയൊന്നും കാണാതെ സാസ്കാരിക പ്രവര്ത്തകര് വലതുപക്ഷത്തേക്ക് പോകുന്നു എന്ന് കരഞ്ഞിട്ട് ആര്ക്കാണ് പ്രയോജനം.. കണ്ണുണ്ടായാല് പോരാ കാണാന് പഠിക്കണം.. ലാല് സലാം..
അതേസമയം, വിദ്യാര്ത്ഥിനിയെ പീഡിപ്പിച്ച അധ്യാപകന് എസ്. സുനില്കുമാറിനെ ഇന്നലെ അറസ്റ്റ് ചെയ്തിരുന്നു. കണ്ണൂരില് നിന്നാണ് ഇന്നലെ പുലര്ച്ചെ തൃശൂര് വെസ്റ്റ് പൊലീസ് ഇയാളെ കസ്റ്റഡിയില് എടുത്തത്.
സ്കൂള് ഓഫ് ഡ്രാമയില് വിദ്യാര്ത്ഥിനിയെ ലൈംഗികമായി പീഡിപ്പിച്ചുവെന്ന പരാതിയില് സുനില്കുമാറിനെ കഴിഞ്ഞ ദിവസം സസ്പെന്ഡ് ചെയ്തിരുന്നു. അധ്യാപകന് കാമ്പസില് കടക്കുന്നതും വിലക്കിയിട്ടുണ്ട്. പൊലീസ് ബലാല്സംഗ കുറ്റം ചുമത്തി എഫ്ഐആര് രജിസ്റ്റര് ചെയ്തെങ്കിലും അറസ്റ്റ് ഉള്പ്പടെയുള്ള നടപടികള് ഉണ്ടാകുന്നില്ലെന്ന് വിദ്യാര്ത്ഥികള് ആരോപിച്ചിരുന്നു.