തന്റെ റിട്ടർഡമെന്റ് പ്ലാനിനെപ്പറ്റി തുറന്ന് പറഞ്ഞ് ഫഹദ് ഫാസില്‍. തന്റെ ഏറ്റവും പുതിയ ചിത്രമായ മലയൻ കുഞ്ഞിന്റെ പ്രമോഷനുമായി ബന്ധപ്പെട്ട് കരിക്ക് ഫ്ലിപ്പിന് നൽകിയ അഭിമുഖത്തിനിടെയാണ് അദ്ദേഹം തന്റെ റിട്ടർമെന്റ് പ്ലാനിനെപ്പറ്റി പറഞ്ഞത്. ബാഴ്സലോണയില്‍ പോയി ഊബര്‍ ടാക്സി ഓടിച്ച് ആളുകളെ ഒരു സ്ഥലത്ത് നിന്ന് മറ്റൊരു സ്ഥലത്ത് എത്തിക്കുന്നത് ആണ് തന്റെ റിട്ടയര്‍മെന്റ് പ്ലാന്‍ എന്നാണ് അദ്ദേഹം പറഞ്ഞത്.
പറ്റുമെങ്കില്‍ അവരോട് സംസാരിച്ച് കഥകള്‍ കേള്‍ക്കണം എന്നും ഫഹദ് പറയുന്നു. സ്പെയിന്‍ കേരളം പോലെ തന്നെ നല്ല സ്ഥലമാണെന്നും ഫഹദ് കൂട്ടിച്ചേർത്തു. തന്റെ ജന്മ നാടായ ആലപ്പുഴ മനോഹരമായ മറ്റൊരു നാടാണെന്നും അവിടെ ഒരിടത്ത് നിന്ന് മറ്റൊരിടത്തേയ്ക്ക് പോകണമെങ്കിൽ പാലം കയറണം ഏറ്റവും കൂടുതൽ പാലങ്ങളുള്ള സ്ഥലം തന്നെ ആലപ്പുഴയാണെന്നും അദ്ദേഹം കൂട്ടിച്ചേർത്തു.
മലയാളത്തിന് പുറമേ അന്യഭാക്ഷകളിലും ഫഹദ് സജീവ സാന്നിധ്യമാണ്. മലയൻകുഞ്ഞാണ് ഫഹദിന്റെ എറ്റവും പുതിയ ചിത്രം. നവാഗതനായ സജിമോനാണ് ചിത്രം സംവിധാനം ചെയ്യുന്നത്. രണ്ടര വര്‍ഷത്തിന് ശേഷമാണ് ഫഹദ് ഫാസില്‍ നായകനായ മലയാള ചിത്രം തിയേറ്ററില്‍ എത്തുന്നത്.
ടേക്ക് ഓഫ്, സി യു സൂണ്‍, മാലിക് എന്നീ ചിത്രങ്ങൾക്ക് ശേഷം സംവിധായകന്‍ മഹേഷ് നാരായണന്‍ തിരക്കഥയൊരുക്കിയിരിക്കുന്ന ചിത്രമാണ് മലയന്‍കുഞ്ഞ്. ഒരു സര്‍വൈവല്‍ ത്രില്ലറായാണ് ചിത്രം ഒരുക്കിയിരിക്കുന്നത്.