മകള് മഹാലക്ഷ്മിയുടെ കുസൃതികളെ കുറിച്ച് നടന് ദിലീപ് അഭിമുഖങ്ങളില് തുറന്നു പറയാറുണ്ട്. ‘ബാന്ദ്ര’ സിനിമാ പ്രമോഷന്റെ ഭാഗമായി നല്കിയ അഭിമുഖത്തില് ദിലീപ് പറഞ്ഞ വാക്കുകളാണ് ഇപ്പോള് ശ്രദ്ധ നേടിക്കൊണ്ടിരിക്കുന്നത്. കുട്ടി വ്ലോഗറായി മാറിയ മകളുടെ വീഡിയോയെ കുറിച്ചാണ് ദിലീപ് സംസാരിച്ചത്.
”ഒരു ദിവസം കാവ്യ എനിക്കൊരു വീഡിയോ അയച്ചു തന്നു. നമ്മളില്ലാത്തപ്പോള് ഇവളുടെ പരിപാടി ഇതാണ് എന്നും പറഞ്ഞ്. ഫോണില് ക്യാമറ ഓണ് ചെയ്ത് അതിന് മുന്നില് നിന്ന് ഹായ് ഗയ്സ്, അയാം മഹാ ലക്ഷ്മി, മാമാട്ടി എന്നൊക്കെ പറയുകയാണ്.”
”തമാശ എന്താണെന്ന് വച്ചാല്, വീഡിയോയുടെ പിറകിലായി കാവ്യയുടെ അച്ഛന് എണ്ണയൊക്കെ തേച്ചു കുളിച്ച് തോര്ത്തികൊണ്ട് പോവുന്നത് കാണാം. ഈ വീഡിയോ ഒക്കെ പുറം ലോകത്തേക്ക് പോയാല് ഓര്ത്തു നോക്കിയേ, നീ ശ്രദ്ധിച്ചോട്ടോ ഇവളെ എന്ന് ഞാന് കാവ്യയോട് പറഞ്ഞു. പിള്ളേര് ഒപ്പിക്കുന്ന ഓരോ പരിപാടികളേ” എന്നാണ് ദിലീപ് പറയുന്നത്.
ഫോണ് എടുത്ത് കളിക്കാനാണ് മഹാലക്ഷ്മിക്ക് ഏറെ ഇഷ്ടമെങ്കിലും ഫോണ് കുട്ടികള്ക്ക് കളിക്കാനുള്ളതല്ല എന്ന് പറഞ്ഞ് ആളെ പേടിപ്പിച്ചു വച്ചിട്ടുണ്ടും ദിലീപ് പറഞ്ഞു. അതേസമയം, മുമ്പും മകളുടെ കുസൃതിയെ കുറിചച് ദിലീപ് അഭിമുഖങ്ങളില് സംസാരിച്ചിട്ടുണ്ട്.