ദിലീപിനോട് തനിക്ക് വ്യക്തിവൈരാഗ്യമില്ലെന്ന് സംവിധായകന്‍ ബൈജു കൊട്ടാരക്കര. തന്റെ യൂട്യൂബ് ചാനലായ ന്യൂസ് ഗ്ലോബ് ടിവിയിലൂടെയാണ് അദ്ദേഹം ഇക്കാര്യത്തില്‍ പ്രതികരിച്ചത്. നടി ആക്രമിക്കപ്പെട്ട കേസിലെ ഇരയ്‌ക്കൊപ്പം ആദ്യം മുതല്‍ തന്നെ നില്‍ക്കുന്ന ആളാണ് ഞാനെന്ന കാര്യം എല്ലാവര്‍ക്കും അറിയാവുന്നത്. അങ്ങനെയുള്ളപ്പോള്‍ തന്നെ എനിക്ക് ദിലീപിനോട് യാതൊരു വ്യക്തിവൈരാഗ്യം അന്നും ഇന്നുമില്ലെന്ന് എത്രയോ തവണ പറഞ്ഞ കാര്യമാണ്.
ഇപ്പോള്‍ ഇത്തരമൊരു സാഹചര്യത്തിലൂടെ കടന്ന് പോവുന്നത് ലിബര്‍ട്ടി ബഷീറാണ്. ബൈജു കൊട്ടാരക്കര പറയുന്നു. ഈ അടുത്ത ദിവസങ്ങളില്‍ ഏതോ ഒരു കല്യാണത്തിന് പോയപ്പോള്‍ ലിബര്‍ട്ടി ബഷീര്‍ ദിലീപിനെ കണ്ടു. പഴയ സഹപ്രവര്‍ത്തകര്‍ എന്ന നിലയില്‍ ദിലീപിന് കൈ കൊടുക്കുന്നു.
ദിലീപിന് എപ്പോള്‍ കൈ കൊടുത്തോ അപ്പോള്‍ മുതല്‍ സോഷ്യല്‍ മീഡിയയില്‍ ചില കാര്യങ്ങള്‍ വൈറലായി കൊണ്ടിരിക്കുന്നുണ്ട്. ലിബര്‍ട്ടി ബഷീര്‍ പോലും ദിലീപിന് കൈ കൊടുത്തു. അവര്‍ ഒന്നിച്ച് ചേര്‍ന്നിരിക്കുന്നു എന്നാണ് പ്രചരണം.
എന്നാല്‍ ഈ വിഷയത്തിലുള്ള ലിബര്‍ട്ടി ബഷീറിന്റെ പ്രതികരണവും തന്റെ യൂട്യൂബ് ചാനലിലൂടെ ബൈജു കൊട്ടാരക്കര പുറത്ത് വിട്ടിട്ടുണ്ട്. ലിബര്‍ട്ടി ബഷീറിന്റെ പ്രതികരണം ഇങ്ങനെ.. ” തിരുവനന്തപുരത്ത് ഒരു കല്യാണത്തിന് പോയപ്പോള്‍ എടുത്ത ഫോട്ടോയാണ്. ദിലീപിനെ പലസ്ഥലത്ത് വെച്ച് കാണുകയും ഫോട്ടോ എടുക്കുകയും ചെയ്യാറുണ്ട്. വ്യക്തിപരമായി അദ്ദേഹവുമായി യാതൊരു എതിര്‍പ്പും ഇല്ല’-എന്നും ലിബര്‍ട്ടി ബഷീര്‍ പറയുന്നു.
