പൃഥ്വിരാജിന്റെ കുടുംബത്തെ ആക്ഷേപിച്ച് കൊണ്ടുള്ള ജനം ടിവിയുടെ പരാമര്‍ശത്തില്‍ സിനിമാ മേഖലയിലെ നിരവധി പേരാണ് വിമര്‍ശനം അറിയിച്ചിരിക്കുന്നത്. ജനം എന്ന പേര് ചാനല്‍ മാറ്റണമെന്നാണ് സംവിധായകന്‍ അരുണ്‍ ഗോപി പറഞ്ഞത്.
ലേഖനം തിരുത്തുക എന്നത് പ്രതീക്ഷിക്കുന്നില്ല. എന്നാല്‍ ജനം എന്ന പേര് മാറ്റുക തന്നെ വേണം. താന്‍ ലക്ഷദ്വീപിലെ ജനങ്ങള്‍ക്കൊപ്പമാണെന്നും അരുണ്‍ ഗോപി വ്യക്തമാക്കി.
സംസ്‌കാരം എന്ന വാക്കിന്റെ ഏതെങ്കിലും അരികിലൂടെ നിങ്ങള്‍ സഞ്ചരിച്ചിട്ടുണ്ടെങ്കില്‍, ഈ വാചകങ്ങള്‍ നിങ്ങള്‍ തിരുത്തണ്ട കാരണം നിങ്ങളില്‍ നിന്നു ഇതല്ലാതെ എന്ത് പ്രതീക്ഷിക്കാന്‍. പക്ഷെ ജനം എന്ന പേര് നിങ്ങള്‍ തിരുത്തണം..! ഈ വിസര്‍ജ്ജ്യം പേറുന്ന മനസ്സുകളുടെ ചാനലിന് ആ പേര് യോജിക്കില്ല. ലക്ഷദ്വീപിലെ ‘ജന’ത്തിനൊപ്പം. അരുണ്‍ ഗോപി കുറിച്ചു.