മലയാളത്തിന്റെ പ്രിയ നടിയാണ് അനു സിത്താര. ചുരുങ്ങിയ കാലം കൊണ്ട് തന്നെ ഹിറ്റ് സിനിമകളിലെ നായികയായി അനു സിത്താര മാറി. തന്നെ നടി കാവ്യ മാധവനുമായി താരതമ്യം ചെയ്യുന്നതിനെ കുറിച്ച് പ്രതികരിച്ചിരിക്കുകയാണ് നടി ഇപ്പോള്.
”കാവ്യ ചേച്ചിയെ എനിക്കൊരുപാട് ഇഷ്ടമാണ്. എന്നെ കണ്ടാല് കാവ്യ ചേച്ചിയെ പോലെയുണ്ടെന്നൊക്കെ പലരും പറഞ്ഞു കേള്ക്കുമ്പോള് സന്തോഷം തോന്നിയിട്ടുണ്ട്” എന്ന് താരം പറയുന്നു. ഫ്ളാഷ് മൂവീസ് മാഗസിന് നല്കിയ അഭിമുഖത്തിലാണ് അനു സിത്താര പ്രതികരിച്ചത്.
”ചന്ദ്രനുദിക്കുന്ന ദിക്കിലെ രാധ, മീശ മാധവനിലെ രുഗ്മിണി, ബാവുട്ടിയുടെ നാമത്തിലെ വനജ, അനന്തഭദ്രത്തിലെ ഭദ്ര, പെരുമഴക്കാലത്തിലെ ഗംഗ, അങ്ങനെ എനിക്ക് പ്രിയപ്പെട്ട കാവ്യ ചേച്ചിയുടെ കഥാപാത്രങ്ങള് ഒരുപാടുണ്ട്” എന്നും അനു സിത്താര വ്യക്തമാക്കി.
അതേസമയം, അനുരാധ ക്രൈം നമ്പര് 59/2019, മോമോ ഇന് ദുബൈ, വാതില്, സന്തോഷം എന്നീ ചിത്രങ്ങളാണ് അനു സിത്താരയുടെതായി അണിയറയില് ഒരുങ്ങുന്നത്. മണിയറയിലെ അശോകന്, മാമാങ്കം എന്നിവയായിരുന്നു താരത്തിന്റെതായി ഒടുവില് പുറത്തിറങ്ങിയ ചിത്രങ്ങള്.