അന്തരിച്ച നടനും രാഷ്ട്രീയ നേതാവുമായ വിജയകാന്തിനെ കൊന്നത് ആരാണെന്ന് കണ്ടെത്തണമെന്ന് സംവിധായകന് അല്ഫോണ്സ് പുത്രന്. സംവിധായകന്റെ പോസ്റ്റുകള് സോഷ്യല് മീഡിയയില് ചര്ച്ചയാവുകയാണ്. കൊലയാളികളുടെ അടുത്ത ലക്ഷ്യം തമിഴ്നാട് മുഖ്യമന്ത്രി സ്റ്റാലിനോ ഉദയനിധി സ്റ്റാലിനോ ആയിരിക്കുമെന്ന മുന്നറിയിപ്പും അല്ഫോണ്സ് വനല്കുന്നുണ്ട്.
ഉദയനിധിയെ അഭിസംബോധന ചെയ്തു കൊണ്ടാണ് സംവിധായകന്റെ കുറിപ്പ്. ഇന്സ്റ്റഗ്രാം സ്റ്റോറിയായി പങ്കുവച്ച ഈ പോസ്റ്റ് അല്ഫോണ്സ് ഡിലീറ്റ് ചെയ്തിട്ടുണ്ട്. ഇതിന്റെ സ്ക്രീന് ഷോട്ടുകളാണ് സോഷ്യല് മീഡിയയില് ഇപ്പോള് പ്രചരിച്ചു കൊണ്ടിരിക്കുന്നത്.
അല്ഫോണ്സ് പുത്രന്റെ കുറിപ്പ്:
ഇത് ഉദയനിധി അണ്ണന് വേണ്ടിയാണ്. ഞാന് കേരളത്തില് നിന്ന് വന്ന് റെഡ് ജയന്റ് ഓഫീസില് ഇരുന്ന് നിങ്ങളോട് രാഷ്ട്രീയത്തില് ഇറങ്ങാന് പറഞ്ഞു. ഉരുക്കുവനിത ജയലളിതയെയും, കലൈഞ്ജറെയും കൊന്നത് ആരാണെന്ന് കണ്ടെത്തണമെന്നും ഞാന് നിങ്ങളോട് ആവശ്യപ്പെട്ടു. ഇനി ആരാണ് ക്യാപ്റ്റന് വിജയകാന്തിനെ കൊലപ്പെടുത്തിയതെന്ന് കണ്ടെത്തണം.
നിങ്ങള് ഇത് അവഗണിക്കുകയാണെങ്കില്, അവര് ഇന്ത്യന് 2 സെറ്റില് വച്ച് സ്റ്റാലിന് സാറിനെയും കമല് സാറിനെയും കൊല്ലാന് ശ്രമിച്ചു. നിങ്ങള് ഇപ്പോള് കൊലയാളികളുടെ പുറകെ പോകുന്നില്ലെങ്കില്, കൊലയാളികളുടെ അടുത്ത ലക്ഷ്യം നിങ്ങളോ സ്റ്റാലിനോ ആണ്. നേരം ഹിറ്റായതിന് എനിക്ക് ഒരു സമ്മാനം നല്കിയത് നിങ്ങള് ഓര്ക്കുന്നോ?
നിങ്ങള് ഒരു ഐഫോണ് സെന്ററിലേക്ക് വിളിച്ചു, 15 മിനിറ്റിനുള്ളില് എനിക്ക് ഒരു ബ്ലാക്ക് കളര് ഐഫോണ് ലഭിച്ചു. ഉദയനിധി അണ്ണന് അത് ഓര്ക്കുമെന്ന് കരുതുന്നു. കൊലയാളികളെയും അവരുടെ ലക്ഷ്യത്തെയും കണ്ടെത്തുന്നത് അതിലും ലളിതമാണ്.