അന്വര് റഷീദ്, സൗബിന് ഷാഹിര് സിനിമകളില് വില്ലന് വേഷം ചെയ്യാന് അവസരം ലഭിച്ചിരുന്നുവെന്ന് സംവിധായകന് അല്ഫോണ്സ് പുത്രന്. അന്വര് റഷീദിന്റെ ‘ട്രാന്സി’ല് ഗൗതം മേനോന്റെ കഥാപാത്രത്തിനൊപ്പം വരുന്ന വില്ലനായായിരുന്നു ക്ഷണം. ‘പറവ’യില് സൗബിന് ചെയ്ത വില്ലന് വേഷത്തിനായാണ് പരിഗണിച്ചത്.
”സൗബിന് സാഹിര് സിനിമ പറവയിലും, അന്വര് റഷീദ് സിനിമ ട്രാന്സിലും അഭിനയിക്കാന് ക്ഷണം ഉണ്ടായിരുന്നു. അന്ന് ആരോഗ്യം അനുവദിച്ചില്ല. അതുകൊണ്ട് പോകാനായില്ല. ട്രാന്സില് ഗൗതം വാസുദേവ മേനോന്റെ കഥാപാത്രത്തിനൊപ്പം വരുന്ന വില്ലനായായിരുന്നു ക്ഷണം.”
”പറവയില് സൗബിന് ചെയ്ത വില്ലന് വേഷത്തിനായാണ് സിനിമയുടെ അണിയറപ്രവര്ത്തകര് ക്ഷണിച്ചത്. ഇപ്പോള് ആരോഗ്യം മെച്ചപ്പെട്ടു. നല്ല വേഷങ്ങള്ക്ക് ക്ഷണം കിട്ടിയാല്, ഉറപ്പായും ചെയ്യും” എന്നാണ് അല്ഫോണ്സ് പുത്രന് പറയുന്നത്.
തന്റെ സൂപ്പര് ഹിറ്റ് ചിത്രം ‘പ്രേമ’ത്തില് അല്ഫോണ്സ് പുത്രന് ചെറിയൊരു വേഷത്തില് പ്രത്യക്ഷപ്പെട്ടിരുന്നു. ‘ഗോള്ഡ്’ ആണ് അല്ഫോണ്സിന്റെതായി ഒടുവില് റിലീസ് ചെയ്ത ചിത്രം. പൃഥ്വിരാജ് നായകനായി എത്തിയ ചിത്രം തിയേറ്ററില് വലിയ വിജയം നേടിയിരുന്നില്ല.