തമാശ എന്ന സിനിമയിലൂടെ ശ്രദ്ധ നേടിയ താരമാണ് ചിന്നു ചാന്ദ്‌നി. തന്റെ ഇന്‍സ്റ്റഗ്രാം പ്രൊഫൈലില്‍ സൗജന്യമായി ഉപദേശം വേണ്ടവര്‍ക്ക് ബന്ധപ്പെടാം (DM for free advice) എന്ന് എഴുതിച്ചേര്‍ത്തത് കാരണം സംഭവിച്ച രസകരമായ അനുഭവങ്ങളെ കുറിച്ചാണ് ചിന്നു പറയുന്നത്.
ആള്‍ക്കാരൊക്കെ ഇത് കണ്ട് മെസേജ് ചെയ്യും എന്ന് അറിയുന്നതിന് മുമ്പ് താന്‍ ഇട്ടതാ. ഇപ്പൊ ഇടയ്ക്കിടയ്ക്ക് ആള്‍ക്കാര് ഉപദേശം ചോദിച്ച് വരും. താന്‍ പണ്ട് ഇട്ടതാണെന്ന് അവരോട് പറയും. ഇപ്പോള്‍ ഡി.എം എന്നത് ആക്ച്വലി ഡോണ്ട് എന്നാക്കി മാറ്റിയിട്ടുണ്ട്.
ഒരു ബന്ധവും ഇല്ലാത്ത കാര്യങ്ങള്‍ക്ക് വരെ ഉപദേശം ചോദിച്ചും ആള്‍ക്കാര് വരാന്‍ തുടങ്ങിയിരുന്നു. തമാശ റിലീസായ സമയത്ത് കുറച്ചധികം പേര് വിളിച്ചിരുന്നു. പക്ഷേ അത് തനിക്ക് കുഴപ്പമില്ല. ഒരുപാട് പേരുടെ പേഴ്സണല്‍ എക്സ്പീരിയന്‍സ് ആയിരുന്നു.
അതിനിടെ ഒരാള്‍ വിളിച്ച്, ”എനിക്ക് കുറച്ച് പൈസയുടെ ബുദ്ധിമുട്ടുണ്ട്. ഒരു മൊബൈല്‍ ഫോണ്‍ വാങ്ങിത്തരാന്‍ പറ്റുമോ” എന്ന് വരെ ചോദിക്കാന്‍ തുടങ്ങി എന്നാണ് ചിന്നു ചാന്ദ്‌നി ബിഹൈന്‍ഡ്വുഡ്സിന് നല്‍കിയ അഭിമുഖത്തില്‍ പറയുന്നത്. ഭീമന്റെ വഴിയാണ് താരത്തിന്റെതായി പുറത്തിറങ്ങിയ ഏറ്റവും പുതിയ ചിത്രം.