ഒരു കോമഡി ഷോയ്ക്കിടയില്‍ ചില കാര്യങ്ങള്‍ വൈകാരികമായി പറയേണ്ടി വന്നുവെന്ന് നടന്‍ ബാല. ഫെയ്‌സ്ബുക്കില്‍ പങ്കുവച്ച വീഡിയോയിലാണ് താരം സംസാരിച്ചത്. ഒന്നും താന്‍ ദേഷ്യപ്പെട്ട് പറഞ്ഞതല്ല, വളരെ ചിന്തിച്ച ശേഷം പറഞ്ഞതാണ്. ആര്‍ക്ക് വേണമെങ്കിലും അഭിമുഖം നല്‍കാന്‍ തയാറാണ്, പക്ഷെ നേരിട്ട് ചോദിക്കണമെന്നും ബാല പറഞ്ഞു.
ബാലയുടെ വാക്കുകള്‍:
നമസ്‌കാരം, ഇത് ബാലയാണ്. ഇന്നലെ ഞാന്‍ കൊച്ചിയിലുണ്ടായിരുന്നു. ഒരു ചാനലിലെ കോമഡി ഷോയുടെ ചിത്രീകരണമുണ്ടായിരുന്നു. പക്ഷെ എന്റെ മനസില്‍ തോന്നിയ ചില കാര്യങ്ങള്‍ ഞാന്‍ ആ പരിപാടിയില്‍ പറഞ്ഞിട്ടുണ്ട്. അത് ഞാന്‍ ദേഷ്യപ്പെട്ട് പറഞ്ഞതല്ല.
ഞാന്‍ വളരെ വളരെ വളരെ ഓര്‍ത്ത്, വളരെ ചിന്തിച്ച് പറഞ്ഞതാണ്. ഇപ്പോള്‍ ഞാന്‍ ചെന്നൈയിലാണ്. 15ന് ശേഷം ഞാന്‍ തിരിച്ചെത്തും. ഞാന്‍ ഇപ്പോള്‍ ചെന്നൈയില്‍ വന്നത് കുറച്ച് നല്ല കാര്യങ്ങള്‍ ചെയ്യാനാണ്. ഞാന്‍ ആര്‍ക്കും ഒരു അഭിമുഖം നല്‍കാന്‍ തയ്യാറാണ്. പക്ഷെ നേരിട്ട് ചോദിക്കുക. പുറകില്‍ നിന്ന് ചോദിക്കണ്ട.