ഒരു കാലത്ത് മലയാള സിനിമയിലെ സൂപ്പർ ഹിറ്റ് ജോഡികളായിരുന്നു ശങ്കറും മേനകയും. ഇരുവരും അഭിനയത്തിൽ സജീവമല്ലെങ്കിലും ശങ്കർ-മേനക ജോഡി ഇഷ്ടപ്പെടുന്ന ഒരു കൂട്ടം ആളുകൾ ഇന്നും കേരളത്തിലുണ്ട്. ഇപ്പോഴിത മേനകയെ കുറിച്ച് ശങ്കർ പറഞ്ഞ വാക്കുകളാണ് ശ്രദ്ധ നേടുന്നത്.
ഇപ്പോഴും ആളുകൾ വിചാരിച്ച് വെച്ചിരിക്കുന്നത് മേനകയാണ് തന്റെ ഭാര്യ എന്നാണ്. പലർക്കും സത്യം അറിയില്ല. മേനക തൻ്റെ ഏറഅറവും അടുത്ത സുഹൃത്താണ്. അവരുടെ കൂടെയാണ് താൻ ഏറ്റവും കൂടുതൽ സിനിമ ചെയ്തിരിക്കുന്നത്. മുപ്പതോളം സിനിമകൾ ചെയ്തിരുന്നു.
ഒരുമിച്ച് അഭിനയിച്ചാൽ ഗോസിപ്പ് വരിക സ്വാഭാവികമാണ്. തങ്ങളെപ്പറ്റിയും നിരവധി ഗോസിപ്പുകൾ വന്നിരുന്നു. പക്ഷെ മേനക അന്നും ഇന്നും തന്റെ സുഹൃത്ത് മാത്രമാണെന്നാണ് ശങ്കർ പറയുന്നത്.
ഏറ്റവും സക്സസ് ഫുള്ളായ പെയർ താനും മേനകയുമായിരുന്നെങ്കിലും, തന്റെ ഏറ്റവും അടുത്ത സുഹൃത്തായ സുരേഷാണ് മേനകയെ വിവാഹം ചെയ്തത്. സുരേഷുമായുള്ള മേനകയുടെ പ്രണയത്തിന് ഒരു പരിധിവരെ താനും വഴിതെളിച്ചിട്ടുണ്ടെന്നും അദ്ദേഹം പറഞ്ഞു. ഓർമകളിലാണ് റിലീസിന് തയ്യാറെടുക്കുന്ന ഏറ്റവും പുതിയ ശങ്കർ ചിത്രം. ത്രില്ലർ ഗണത്തിൽപ്പെടുന്ന സിനിമ എം.വിശ്വപ്രതാപാണ് സംവിധാനം ചെയ്തിരിക്കുന്നത്.
